Laboratoriya jumıs №1

2. Drigal`skiy usılında shpatel` menen egiw - azıqlıq ortalıq quyılg`an 3- Petri chashka alınadı. 1shi –keseshege pipetka menen izertlenip atırg`an material salınadı, shpatel` menen agardın` joqarg`ı ju`zesine su`rtiledi. 2 shi keseshedegi agardın` joqarg`ı ju`zesine sol shpatel` menen ja`ne su`rtiledi Odan keiyn shpatel`di 3shi keseshedegi agardın` u`stine su`rtilip shıg`adı ha`m termostatqa qoyıladı. 18-24 saattan keiyn o`sip shıqqan koloniyalardı ko`remiz. 1shi –chashkada jalpılamay o`sken koloniyalardı, 2-shi chashkada bir-birine birikken koloniyalardı, 3-chashkada jeke- jeke koloniyalardı ko`remiz. Jeke turg`an koloniyanı taza kul`tura ushın alamız.
3. İlmek penen egiw (Shtrix penen egiw) – Azıklıq ortalıq quyılg`an Petri chashka alınadı ha`m 4 – sektorg`a bo`linedi. İzertlenip atırg`an materialımız bakteriyalogiyalıq ilmek penen ha`r bir sektorg`a egilip shıg`ıladı, ilmek o`zgertilmeydi ha`r bir liniyanın` arası 5mm bolıwı kerek. Agardın` ko`p mug`dardag`ı mikrob kletkalar tu`sken jayında o`sip shıqqan mikroorganizmler tutas sızıqlardı esletse, az mug`dardag`ı kletkalar tu`sken sektorlarda to`mendegi tablitsada ko`rsetilgendey,jeke-jeke koloniyalar payda boladı.
4. Fil`trleu usılı- Bul usılda tekserilip atırg`an material belgili diametrli arnawlı fil`trden o`tkiziw ha`m onın` quramındag`ı mikroorganizmlerdi olardın` formasına karap, bir neshe tiplerge ajıratıwg`a tiykarlang`an. Bul usıl viruslardı bakteriyalardan tazalawda qollanıladı.


Mikroorganizmlerdin` biologiyalıq qa`siyetlerine tiykarlang`an usıllar.
5. Shukeevich usılı.

Agar a`tırapındag`ı kondentsion suwg`a u`yrenilip atırg`an material egiledi. Ko`beyiwi uaqtında kondentsion suwdag`ı mikroblardın` ha`reketshen` formaları joqarıg`a o`rmelep shıqqanday, agar juzesinde o`rmeley baslaydı. Agardın` ju`zesinde toplana baslaydı. Agardın` u`stinde payda bolg`an ekpe ajıratıp alınadı. Bul usıldı bir neshe ma`rte ta`kirarlaw na`tiyjesinde u`yrenilip atırg`an mikroorganizmlerdin` taza ekpesin payda etiw mu`mkin.