Laboratoriya jumıs №1

Buyım aynasında Agglyutinaciya reakciyasın qoyıw. Ajıratılıp alıng`an mikrorganizmlerdi qaysı tu`rge ha`m sero toparlarg`a tiyisligin anıqlaw ushın Agglyutinaciya buyım aynasında qoyıladı. Bunın` ushın ma`lim Agglyutinaciyag`a ushıratıwshı zardaptan Paster pipetkası ja`rdeminde 1-2 tamshı buyım aynashasına tamızıladı, kontrol ushın natriy xloridti izotonik eritpesi 1-2 tamshı alınadı ha`m bakteriologiyalıq ilmek ja`rdeminde (petlya) tekserilip atırg`an mikrob kul`turası alınıp, buyım aynasındag`ı arnawlı zardap penen aralastırıladı. Reakciyanın` na`tijesi 3-10 minutdan son` ko`riledi. On` Agglyutinaciya reakciyasında buyım aynashası u`stinde anıq ko`riniwshi aglomerat bo`leksheleri payda boladı. Sonın` menen bir qatarda kontrol aynashada fiziologik suyıqlıq penen tekserilip atırg`an antigen reakciya bermeydi
İmmunflyuorescent usıl. Juqpalı kesellik agentlerin patologiyalıq materialdan, infektsiya juqqan materiallardan, xaywan toqımalarınan ha`m kletka kul`turalarınan flyuorescenciya qılıwshı antitelolar (sıvorotkalar) ja`rdeminde anıqlawda juqpalı keselliklerge diagnoz qoyıwda a`melitta ken` qollanıladı. İmmunoflyuorestsent usıl tez (ekspress) diagnoz qoyıw usılı bolıp, o`zinin` sezgirligi ha`m spetsifikligi menen basqa serologiyalıq reakciyalardan qalıspaydı.
Flyuorescenciya qılıwshı sıvorotkalardı tayarlaw, ayırım flyuoroxromlardın` (ma`selen flyuorescenciyanın` izotiotsianatı) sıvorotka beloklarının` immunologiyalıq spetsifligine ta`sir qılmay olar menen ximiyalıq birigiwge tiykarlang`an. İmmunoflyuorestsent usıldı Kuns raektsiyası dep ha`m ataladı. İmmunflyuorestsent reakciyanı tuwrı ha`m tuwrı emes usılları bar.