Laboratoriya jumıs №1

Taza kul`turanı ajratıp alıw protsessi bir neshe basqıshlardan ibarat
BİRİNShİ BASQISh.-Tekserilip atırg`an materialdan su`rtpe tayarlanadı. Gram yamasa basqa usıl menen boyaladı ha`m mikroskop astında ko`riledi. Kerek bolsa tekserilip atırg`an material probirkada NASL dın` sterillengen izotonik eritpesi menen suyıltırıladı. Bir tamshı suyıltırılg`an materialdı birdey etip bo`listiriledi, ilmek penen Petri keseshesindegi azıqlı ortalıktın` ju`zesine tamızıladı ham shpatel menen jayıp shıg`ıladı. Egilgennen son` keseshe astı joqarıg`a qarap aylandırıladı ha`m jazıp qoyıladı. Ol 370S da termostatga 18- 24 saatqa qoyıladı.
EKİNShİ BASQISh - Kesesheler ko`riledi, jeke- jeke jaylasqan koloniyalar u`yreniledi. Olardın` formasının` u`lken kishiligine, qattı yamasa jumsaqlıg`ına ha`m basqa belgilerine a`hemiyyat beriledi. Kletkanın` morfologiyası ha`m olardın` tinktorial qa`siyetlerin anıqlaw ushın, tekserilip atırg`an koloniyanın` bir bo`leginen su`rtpe tayarlanadı. Gram usılı menen boyaladı, mikroskop astında ko`riledi. Taza kul`turanı ajıratıw ha`m toplaw ushın bir yamasa bir neshe jeke jaylasqan koloniyalardı, kıyalatırılg`an agarlı yamasa basqa azıqlı ortalıqlı probirkalarg`a qaytadan egiledi. Bunın` ushın basqa koloniyalarg`a tiygizpesten ilmek penen koloniyanın` bir bo`legi alınadı.
U`ShİNShİ BASQISh. Ajratıp alıng`an taza kul`turanın` qa`siyetleri u`yreniledi. Taza kul`tura ko`z benen ko`rilgende bir tekis o`sken boladı. Usı kul`turadan tayarlang`an, boyalg`an su`rtpe mikroskop astında ko`rilgende, morfologiya, tinktorial qa`siyeti ta`repinen birdey bolg`an kletkalar ko`rinedi. Eger ayrım tu`rlerine uqsag`an poliformizm bolsa, ol jag`dayda taza kul`turadan tayarlang`an su`rtpede, haqıyqıy kletkalar menen bir qatarda, basqa o`zgergen formadag`ı kletkalar ha`m ushıraydı.
.Aerob mikroorganizmlerdin` taza kul`turasın alıw
1. Kox usılı. Bunda tekserilip atırg`an material suyıltırılıp 40°-45° temperaturag`a deyin suwıtılg`annan keyin azıq ortalıq qosıladı, agarlı azıqlıq ortalıq probirkalarda boladı. Keyninen probirkadag`ı azıqlıq ortalıq taza Petri keseshelerine quyıladı.