Laboratoriya jumıs №1

Mikroorganizmlerdin` qattı azıqlıq ortalıqlarda o`siwi. Bunda qattı azıqlıq ortalıqta payda bolg`an koloniyalar u`yreniledi. Koloniyalardın` u`lkenligi, forması, shetinin` ko`rinisi, rel`efi /azıqlıq ortalıq ju`zesinen ko`terilip turıwı, sırtı yaki ju`zesi, ren`li du`zilisi /strukturası/ ha`m /konsistentsiyasi/ u`yreniledi.
Mikroorganizmlerdin` suyıq azıqlıq ortalıqlarda o`siwi. Bunın` ushın suyıq azıqlıq ortalıqlarg`a ajıratıp alıng`an taza kul`tura egiledi ha`m onın` kanday o`siwi ku`zetiledi. Mikroorganizmler to`mendegi ko`riniste o`siwi mu`mkin:
1. Azıqlıq ortalıq ılaylanadı, lekin azıqlıq-ortalıqtın` ren`i o`zgermeydi yamasa suwda eriwshi pigmenti esabına ren`i o`zgeredi. Bunday o`siw sha`rtli aeroblarg`a kiriwshi mikroorganizmlerge tiyisli.
2. Probirka tu`binde o`siw, yag`ni sho`kpe payda etiw. Bunda sho`kpe ha`r tu`rli ko`riniste boladı. Sho`kpe u`stindegi azıqlıq ortalıqtag`ı yamasa ılaylanadı. Azıqlıq ha`m sho`kpenin` ren`i mikroorganizmler payda etetug`ın pigmentine baylanıslı. Eger mikroorganizm pigment payda etpese, azıqlıq ortalıq o`zgermeydi, sho`kpe bolsa bunday wakıtları sarg`ısh yamasa aqshıl ku`l ren`de boladı. Bunday o`siw tiykarınan anaerob dem alıwshı mikroorganizmlerge tiyisli.
3. Probirka diywalına jabısıp o`siwi. Bunda azıqlıq ortalıq o`zgermesten qaladı.
4. Azıq ortalıq ju`zesinde perde payda etip o`siwi. Bunda perde ha`r tu`rli ko`riniste qalın`lıqta, bolıwı mu`mkin. Olardın` azıqlıq ortalıg`ının` ha`m azıq ortalıg`ının` ren`i mikroorganizmlerdin` pigmentine baylanıslı. Bunday o`siw tiykarınan aerofil mikroorganizmlerge tiyisli.

Mikroorganizmlerdin` yarım qattı ortalıqlarda o`siwi. Bunı biliw ushın mikroorganizmler 0,2-0,5 protsentli yarım qattı stolbik agarg`a egiledi, shanshıp egiw usılı ja`rdeminde.

A`meliy sabaq -5
Tema: Bakteriyalardın` tirishiligi dawamında islep shıg`aratug`ın o`nimleri. Fermentlar, pigmentlar,toksinlar, aromatik zatlar ha`m olardın` identifikatsiyadag`ı a`hmieti. Ximiyaterapevtik preparatlar, antibiotikler klassifikatsiyası, ta`siri,olarg`a mikroorganizmlerdin` sezgirligin uyreniw usılları. Antibiotiklerdin` keri ta`siri. Mikroorganizmlerdin` antibiotiklerge shıdamlılıq rawajlanıw mexanizmleri. Sırtqı ortalıq faktorlarının` mikroorganizmlerdin` tirishilik iskerligine ta`siri; sterilizatsiya, dezinfektsiya, aseptika ha`m antiseptika.