Labora-toriya jumislari

Sabaqtıń maqseti: Rentgenografiya, rentgenoskopiya hám flyuorografiya tiykarların ózlestiriw.
Sabaq úskeneleri - kórsetiletuǵın materiallar, rentgen apparatı, rentgen plyonkaları, haywanlar: at, iri shaqlı haywan, qoy, toray
Sabaqtıń barısı: 1. Rentgenoskopiya hám rentgenografiya usılların úyreniw.
2. Hár túrlı haywanlardıń kòkirek boslıǵı sistemaların rentgenoskopiya hám rentgenografiya qılıw.
II Studentlerden 10 minut dawamında tema boyınsha soraw.
1. Rentgenoskopiya hám rentgenografiya degen ne?
2. Gilyus haqqında túsinik.
3. Ókpe hám plevra keselliginiń rentgenologik simptomlar
4. Travmatik perikardittiń I. G. Sharabrin boyınsha rentgenologik belgileri.
III. Oqıtıwshı tárepinen 10 minut dawamında atqarılatuǵın jumıstı túsindiriw.
IV. Studentlerdiń jumıstı orınlawı.
Rentgenoskopiya.
Rentgenoskopiya nur tarqatatuģın ekran járdeminde ámelge asırıladı. Ekranda kórinetuǵın sủwret haywan organ hám toqımalarınıń nurlanıw tıǵızlıǵına baylanıslı.
Tıǵız organ hám toqımalar (súyekler) qaranǵılıq beredi, ol jaǵdayda tıǵız bolmaǵanları yarım qaranǵılıq, jeńil tıǵızlıqlardaǵıları ókpe - ashıq fon beredi. Ortasha tıǵızlıqta toqımalardı nurlandırıw jumsaq nurlar menen, úlken tıǵızlıqdaģılar - qattılaw nurlar menen alıp barıladı.
Rentgenografiya.
Rentgenografiya ushın kassetalar, kúsheyetuǵın ekranlar, rentgen plyonkalar, ximikat kerek.
Kassetalar alyuminiyden jasalǵan qutıshalardı yadǵa saladı. Kassetalar ólshemi: 13x18, 18x24, 24x30, 30x40 sm. Kúsheyetuǵin ekranlar bir tárepten volfram kalciy menen oralǵan tuwrı múyeshli karton, bular fosfor tarqatıw qásiyetine iye.
Rentgen plenkası- juqa, tınıq, celluloid yamasa nitrocelluloid plastinkalardı yadqa saladı, bular bir yamasa eki tárepinen jaqtılıq seziwshi emulsiya menen oralǵan boladı. Plenkalardıń standart ólshemleri -13x18, 18x24, 24x30, 30x40 sm.
Ximikal - kórinetuǵın etetuǵın (proyavitel) elementtıń quramına tómendegiler kiredi. Kórinetuǵın etetuǵın elementler - metol, gidroxinon: kórinıwın tezlestiretuǵın elementler - soda (natriy karbonat), potash; konservalaytuǵın elementler - natriy sulfit; kórinıwın páseytetuǵin hám kórinbeytuǵın - kaliy brom.
Bekkemleytuǵın (fiksaj) quramına tómendegi elementler kiredi. Bekkemlewshi element - gidrosulfit natriy: konservaciyalawshı element - natriy sulfit.