Labora-toriya jumislari

13 - laboratoriyalıq jumıs. Zat almasıwı buzılıwın anıqlaw.Pada sindromatikası analizi.


Sabaqtıń maqseti: Zat almasıwı buzılıwı tuwrısında túsinik. Zat almasıwı buzılıwın anıqlawdıń ulıwma qaǵıydaların ózlestiriw.
Sabaq úskeneleri - kórsetiletuǵın materiallar, ásbaplar, haywanlar: at, iri shaqlı haywan, qoy, toray
Sabaqtıń barısı: Organizmde zat almasıwınıń keshiwi ot-jemler menen organizmge túsetuǵın belok, uglevod, may, suw hám mineral elementlerdıń muǵdárına baylanıslı.
Bul elementlerdıń organizmge kóp yamasa kem túsiwi zat almasıwınıń buzılıwına alıp keledi.
Zat almasıwı organizmde úsh basqıshta ótedi.
1. As sińiriw sistemasında ot-jemlerdegi quramalı zatlar ápiwayı zatlarģa bòleklenedi.
2. Ápiwayı zatlardıǹ bòlekleniwi dawam etip, hámme zatlar pirovinograd kislotası hám acetil koenzim A ģa aylanadı.
3. Pirovinograd kislotası, atsetil koenzim A jańa zatlar payda bolıwında qatnasıwı múmkin yamasa anaerob bòlekleniwinde, yaǵnıy Krebs sheńberine túsip, suw hám CO₂ (karbonad angidrid) qa bòlekleniwi múmkin.
Zat almasıwın buzılıwın anıqlaw júdá úlken áhmiyetke iye. Sebebi jıl dawamında qaramallardıń 20%, qoy, eshkilerdiń 35%, shoshqalardıń 40% zat almasıwı buzılıwı menen kesellenedi. Házirgi dáwirde bul kórsetkishler sanı asqan.
Zat almasıwı buzılıwına diagnoz qoyıw.
Zat almasıwı buzılıwına tómendegi faktorlar sebep boladı.
1. Ot-jemlerde hám racionda belok, uglevod, may hám mineral zatlardıǹ kem yamasa kóp bolıwı.
2. Endoǵen faktorlar nátiyjesinde: bawır keselliklerinde, asqazan ishek keselliklerinde, gormonlar hám fermentler kem yamasa kóplep shıǵarılsa, asqazan mikroflorası jumısı buzılsa.
3. Hár qanday infekcion, invazion, juǵımsız keselliklerde zat almasıwı buzıladı.
4. Saqlaw shárayatı buzılǵanında zat almasıwı buzıladı.
Zat almasıwı buzılıwına diagnoz qoyıw ushın tómendegi tekseriwlerdi ótkeriw shárt.
Ekologiyalıq situaciyanı analiz qılıw.
Buǵan tómendegiler kiredi.
a). Ot-jemler túri hám onıń ózgerisleri.
b). Topıraq quramı analizi hám ózgeriwin anıqlaw.
v). Haywannıń saqlaw shárayatın úyreniw.
Magazinlerde satılatuǵın ápiwayı áynekler quramında titan hám temir (Fe) kóp. Bular D vitaminin payda bolıwı ushın zárúr bolǵan ultrafiolet nurların ótkermeydi. Sol sebepli jas baspaqlarda mineral almasıwı buzılıp, raxit keseligine shalınadı.