Labora-toriya jumislari

Epilepsiya- aldın tonik keyinirek bolsa klonik qattı qaltıraw tutıp, haywannıǹ ózinen ketip qalıwı menen xarakterleniwine aytıladı. Bul bas miydegi organik ózgerisler hám tuwma beyimlik belgiler sebepli payda boladı.
Tremor- et uyısqanda qaltıraw basıwına uqsap ketetuǵın ritmik muskul qısqarıwı bolıp tabıladı. Bul túrli ruhıy tásirler sebepli, sonıń menen birge hal dan ketiw, sharshaw, záhárleniw h.b.lar nátiyjesinde payda bolıwı mủmkin.
Fibrillyar- tartılıw tremordan parıqlanıp, ayırım muskullardıǹ az-az qısqarıp turıwı menen dawam etedi.
Refleksti tekseriw.
Haywanlardı klinikada tekseriwde maydan refleksler teri, silekey perde refleksleri hám tereń refleksler, muskullar, shemirshekler hám súyek perdesi refleksleri sınap kóriledi.
Teri refleksleri- deneniń túrli tarawlarına kútpegende qol tiygizip kóriw jolı menen anıqlanadı.
Teri refleksleri arasında tómendegiler ủlken áhmiyetke iye.
1. Qarın refleksi- qarınnıń túrli jaylarına qol tiygizip kóriledi, buǵan juwap qarın, pressi muskulları normada qısqaradı.
2. Jawırın refleksler- teri astı muskulları qısqaradı.
3. Quyrıq refleksi- quyrıqtıń ishki maydanına tásir ettirgende haywan quyrıǵın qısadı.
4. Anal refleksi- sfinktorınıǹ qısqarıwı keshedi.
5. Kremaster refleksi- san ishki maydanındaǵı teri tásirlengende máyek joqarıǵa kóteriledi.
Silekey perdeler refleksleri tómendegiler zárúrli:
1. Jótel refleksi- traxeya birinshi shemirshklerin basıp tekseriledi.
2. Túshkiriw refleksi- búrin silekey perdesi jeńil zat benen tekseriledi.
3. Konyunktiva refleksi- qabaqlar jabılıp, kòzden jas shıǵadı.
4. Korneal refleks- kóz shaq perdesine qol tiygizilgende bilinedi.
Arqa hám bas mıy zıyanlanǵan waqıtlarda teri hám silekey perde ref-leksleri tómenlewi yamasa joǵalıp ketiwi gúzetiledi.
Shemirshek refleksleri.
1. Dize refleksi- dize qapqaǵı siǹirine urılǵanında dize buwınınan kúsh menen jazıladı.
2. Axill refleksi- perkussiya balǵashası menen axiliya siǹirine urılǵanda sekiriw buwınınan jazılıp tuyaq bolsa azǵantay bủgiledi. Arqa mıy zıyanlan-ģanda bul refleks joǵaladı.