Labora-toriya jumislari

Tamaqtı tekseriw. Tamaq jaq arqasında jaylasqan bolıp sırtqı hám ishki tàrepelerden tekseriledi, sırtqı tárepten koriw usılı menen tekserilgende haywan basın hám moynın tutıwına hám tamaq tarawında òzgeriw bar joqlıǵına itibar beriledi.
Normada haywan basın tábiyiy tutadı, tamaq asqınǵanda haywan basın aldıǵa sozıp turadı, tamaq asqınsa tamaq tarawında aktinomikoz bolsa, qalqantàrizli bezi úlkeyse usı jer isinip turadı. Bimanual palpaciya járdeminde tamaqtıń kólemi, jergilikli temperaturası, awrıw seziwi, isikler bar joqlıǵı anıqlanadı,
Normada, tamaq úlkeymegen, temperaturası ortasha awrıwsız boladı. Tamaq asqınsa tamaq isingen, awrıwlı hám ıssı boladı. Aktinomikoz bolsa, domalaq túynekler anıq bilinedi, qalqantàrizli bez úlkeyse isik tamaqtıń eki tárepinde, simmetrik rawajlanǵan boladı.
Ishki tárepten tekseriw ushın awız ashılıp til basılıp tamaq koriledi, onıń reńi, isiklıgi, tamaq tesiginiń jaǵdayı kòriledi.
Normada - reńi ash fiolet, isinbegen, tamaq tesigi ashıq boladı.
Tamaq asqınsa ( faringit) qızarǵan, silekey perdeleri isingen, tamaq tesigi tarayǵan boladı, tamaq paralichinde shemirshek tómenge túsip tamaq tesigin bekitedi, tamaqqa jat zat tıǵılǵan bolsa usı zat kòrinip turadı. Bulardan basqa tamaq zond jiberiw, rentgenografik usıllar menende tekseriledi,
Qızılòńeshti tekseriw.
Qızılòńesh - tamaqtan baslanıp, 5- moyın omırtqaları tuwrısına deyin kegirdek ústinde jaylasıp, keyin kegirdektiń shep tárepine otip, dawam etedi, kòkirek qápesi arqalı diafragmadan òtip, gúysewshi haywanlarda úlken qarınǵa, basqa haywanlarda asqazanǵa ashıladı.
Kòriw, palpaciya, zond jiberiw hám rentgenografik usıllar menen tekseriledi.
Kòriw usılı menen teksergende qızılòńeshten azıqtıǹ òtiwi menen isikler bar joqlıǵına itibar beriledi. Azıqlar qızılòńeshten tolqıntàrizli, awrıwsız hám erkin òtedi.
Qızılòńesh asqınǵanda, azıq òtkende haywan tınıshsızlanıp awrıw sezedi, tıǵılıp qalsa, keǹeyse, qısılıp qalsa, qızılòńesh tarawında isikler payda boladı. Bimanual palpaciya járdeminde qızılòńeshtiń jergilikli temperaturası, arıq seziwi, toplanģan zatlardıń konsestentsiyası anıqlanadı.
Normada qızılòńeshte isikler bolmaydı, awrıwsız, temperaturası ortasha boladı. Qızılòńesh asqınsa (ezofagit)-qızılòńesh awrıwlı ıssı boladı. Qızılòńeshte mıywe palız eginleri tıǵılıp qalsa usı jer qattı, domalaq boladı, eger shaynalǵan azıqlar tıǵılıp qalsa usı jer jumsaq konsistenciyalı boladı. Qızılòńeshtiń keńeyiwine divertikula, qısqarıwına spazm dep ataladı.
Zond jiberip teksergende - zond qızılòńeshte qanday òtip atırģanlıģına hám haywannıǹ reakciyasına itibar beriledi.
Normada zond qızılòńeshten qıyınlıq menen otedi. Biraq haywan tınıshsızlanbaydı. Qızılòńesh paralichinde zond erkin otedi. Qızılòńesh asqınǵan bolsa zond jibergende haywan kúshli tınıshsızlanıp awrıw sezedi. Qızılòńesh keńeygen bolsa (divertikulada) zond keńeygen jayǵa túsip buralıp qaladı, qızılòńesh tıǵılıp qalǵan bolsa, zond tıǵılǵan jayǵa shekem barıp keyin òtpeydi.
Qızılòńeshtiń kòkirek hám qarın bòlimleriunde òzgerisler bolsa rentgenografik usıllar menen tekserip anıqlanadı. Bul halat kòbirek qaramallarda gúzetiledi sebebi olar azıqtı 1 - 2 jalmap jutadı. Azıqlar tıģılıwında kekiriw bolmaydı úlken qarında gaz toplanadı.