Labora-toriya jumislari

Vena qan basımın ólshew - flebotonometriya
Vena qan basımı qanlı usılda, moyındaǵı kók tamırdan (moyıntırıq venası) monometr yamasa flebotonometr járdeminde òlshenedi. Venada basım tómen bolǵanlıǵı ushın suw baǵanası esabında òlshenedi. Qan basımın ólshewden aldın iyneler qaynatıladı, moyınnıń tómengi bòleginen iyne shanshılatuģın jer tayarlanadı : júni alınadı, aldın spirt - efir qospası, keyin yod eritpesi menen artıladı. Apparattıń rezina nayshası antikoagulyant eritpeleri menen shayıladı. Iyne shanshılıp , qan shıģıp, apparattıń rezina trubkasın iyne menen biriktirip, flebometr iyne shanshılgan biyikliginde, tuwrı uslap turıladı. Flebometr iyneden tómende yamasa joqarıda turmawı kerek. Qan basımı tásirinde apparat mili kóterilip, vena basımın kórsetedi.
Haywannıń bası kóterilgen tárepke vena qan basımı asa baslaydı. Joqarı ónimdarlı haywanlarda tómen ónimdarlı haywanlarǵa salıstırǵanda, erkek haywanlarda urǵashı haywanlarǵa salıstırǵanda vena qan basımı joqarı boladı. Islegende de vena qan basımı asadı.
Saw haywanlarda vena qan basımı tómendegishe boladı :

№	Haywan tủri	Vena qan basımı úlkenligi, mm suw baǵanasında
1	Atta	80-130
2	Qaramalda	80-130
3	Мayda shaxlı mallar	80-115
4	Тúyede	220-280
5	Shoshqa hám iytte	90-110

Keselliklerde vena qan basımı tómendegishe ózgeriwi múmkin:

1. Vena qan basımınıń kóteriliwi- miokarditte, 3-qaqpaqlı klapan jetispewshiliginde, oń atrioventrikulyar tesigi tarayǵanda, sozılmalı alveolyar emfizemada, pnevmoniyada hám qarın boslıǵındagı basım asqanda gúzetiledi.
Ásirese travmatik retikulo - perikarditte hám avıtamınoz A da vena qan basımı júdá asıp, 600 mm suw baǵanası hám onnan da joqarıǵa kóteriliwi múmkin.
2. Vena qan basımınıń tómenlewi - qan muǵdarı birden azayǵanda (ishki boslıqlarda qan qoyılsa, shok hám kollapsda), qan tamırları tonusı tòmenlegende, gastroenterit, záhárleniwler hám juqpalı keselliklerinde ushıraydı.