L. S. Karieva makroiqtisodiyot

5.8 O‛zbekiston Respublikasida bank tizimi barqarorligini oshirish va pul-
kredit siyosatini takomillashtirishning asosiy yo‛nalishlari 
O‛zbekiston Respublikasida bank tizimi barqarorligini oshirish va pul-kredit 
siyosatini takomillashtirish maqsadida quyidagilarni amalga oshirish lozim deb 
belgilangan: 
1. O‛zbekiston Respublikasi Markaziy banki inflyasiya darajasini 2021 yilda 
10 foizgacha pasaytirish hamda 2023 yilda 5 foiz darajadagi doimiy inflyasion 
maqsadni (target) o‛rnatish yo‛li bilan 2020 yilning 1 yanvaridan boshlab pul-
kredit siyosati mexanizmlarini bosqichma-bosqich inflyasion targetlash rejimiga 
o‛tkazishni ta’minlasin. 

---

107 
2. Quyidagilar O‛zbekiston Respublikasi Markaziy banki pul-kredit 
siyosatining asosiy tamoyillari etib belgilansin: 
- inflyasiyaning doimiy amal qiladigan maqsadini belgilash va uni keng 
jamoatchilikka yetkazish; 
- pul bozoridagi foiz stavkalarini tartibga solish va inflyasion jarayonlarni 
boshqarish maqsadida pul-kredit siyosatining keng qamrovli instrumentlarini 
qo‛llash; 
- pul-kredit siyosati sohasida obyektiv qarorlar qabul qilish maqsadida ichki va 
tashqi bozorlarda mavjud bo‛lgan ochiq ma’lumotlarni hisobga olgan holda batafsil 
makroiqtisodiy tahlil va prognozlarni amalga oshirish. 
3. O‛zbekiston Respublikasi Vazirlar Mahkamasi va Markaziy banki inflyasion 
targetlash rejimiga to‛liq o‛tish uchun sharoitlar yaratish bo‛yicha kompleks chora-
tadbirlar amalga oshirilishini ta’minlasin, xususan: 
- muvofiqlashtirilgan monetar-fiskal va monopoliyaga qarshi siyosat yuritish; 
- raqobatdosh bozor iqtisodiyotiga o‛tishni tezlashtirish, mahalliy ishlab 
chiqaruvchilar raqobatbardoshligini oshirish hamda tovarlar va xizmatlarning 
to‛laqonli bozorlarini shakllantirish orqali iqtisodiyot tarmoqlarida tarkibiy 
islohotlarni amalga oshirishni davom ettirish; 
- monopoliyaga qarshi kurashish va narxlarni tartibga solishning zamonaviy 
usullariga o‛tishga, shuningdek, ishlab chiqarish infratuzilmasini kengaytirishga 
yo‛naltirilgan tartibga solinadigan narxlarni bosqichma-bosqich erkinlashtirish. 
4. O‛zbekiston Respublikasi Markaziy banki quyidagilarni joriy etish orqali 
pul-kredit siyosati instrumentlari, mexanizmlari va jarayonlarini inflyasion 
targetlash rejimi standartlariga muvofiqlashtirish choralarini ko‛rsin: 
- 2020 yilning 1 yanvariga qadar pul bozori foiz stavkalariga ta’sir ko‛rsatuvchi 
bozor instrumentlari, shu jumladan Markaziy bank obligatsiyalari, overnayt 
depozitlar, doimiy tusdagi depozit auksionlari, davlat qimmatli qog‛ozlari va 
xorijiy valyuta garovi ostida kredit auksionlari va overnayt kreditlari; 

---

108 
- 2020 yil davomida foiz va valyuta xatarlarini boshqarishda hosilaviy 
instrumentlar (svop, opsion va fyucherslar) va tijorat banklarining valyuta kursi 
shakllanishidagi rolining bosqichma-bosqich oshirib borilishi; 
- bir oy muddatda Markaziy bankning banklararo pul bozoriga muntazam 
intervensiyasi orqali moslashuvchan foiz siyosatini amalga oshirishda asosiy foiz 
stavkasining foiz koridori mexanizmi; 
- 2020 yilning 1 apreliga qadar xalqaro moliya institutlarining texnik ko‛magi 
hamda ilg‛or xalqaro tajriba asosida ekonometrik modellashtirish instrumentlarini 
rivojlantirishni nazarda tutuvchi makroiqtisodiy tahlil va prognozlash tizimi; 
- Markaziy bank tomonidan iqtisodiyotdagi joriy holat, inflyasion 
jarayonlarning asosiy omillari va pul-kredit siyosati choralarining o‛z vaqtida 
yoritilishini ko‛zda tutuvchi kommunikatsion siyosatning zamonaviy tamoyillari; 
- inflyasiya va inflyasion kutilmalar omillarini doimiy o‛rganib borish, xalqaro 
moliya institutlari va boshqa davlatlar markaziy banklari texnik ko‛magini jalb 
etish orqali ilg‛or xorijiy tajribani o‛rganish. 
5. Inflyasiya darajasini pasaytirish va narxlar barqarorligini ta’minlash borasida 
quyidagi chora-tadbirlarni amalga oshirish kerak: 
- inflyasiya omillari va narxlar oshishiga olib kelayotgan sabablarni bevosita 
joyiga chiqqan holda tahlil etish va tanqidiy baholab borish; 
- respublika pul-kredit siyosatini inflyasion targetlash rejimiga o‛tkazishga 
qaratilgan chora-tadbirlarning o‛z vaqtida va samarali ijro etilishidagi kamchilik va 
muammolarni aniqlash, shuningdek, ularni bartaraf etish hamda ushbu sohadagi 
vakolatli organ va tashkilotlar rahbarlarining mas’uliyatini oshirish bo‛yicha 
takliflar ishlab chiqish mo‛ljallangan.