|
|
Правая сторона
25.ötüntim. Sü joryytdym. Atlat tedim. Aq termel keče oɣurqalatdym. At üze
bintüre qaryɣ sökdim. Joq[q]aru at jete jadaɣyn yɣač tutunu aɣturtym. Öŋreki
er
26.joɣurča [ydy]p y bar baš asdymyz. Jobalu intimiz. On tünke jandaqy tuɣ ebrü
bardymyz. Jerči jer jaŋylyp boɣuzlandy. Buŋadyp qaɣan:-jelü kör, -tedi.
27.Any sub[yɣ] bar[alym]. Ol sub qoody bardymyz. Sanaɣaly tüsürtimiz. Atyɣ yqa
baju ertimiz. Kün jeme tün jeme jelü bardymyz. Qyyrqyzyɣ uqa basdymyz
28.[...] süŋügin ačdymyz. Qany süsi tirilmis. süŋüsdimiz, sančydymyz. Qanyn
ölürtimiz. Qaɣanqa qyyrqyz bodun ičikdi, jükinti, jandymyz. Köögmen jysyɣ
ebrü keltimiz.
29.Qyyrqyzda jandymyz. Türges qaɣan anda körüg kelti saby anteg:-Öŋden
qaɣanɣaru sü joryylym temis. Jorymasar bizni, qaɣany alp ermis, ajɣučusy
bilige ermis qač [n]eŋ erser
30.bizni ölürteči [ü]kük temis. Türges qaɣany tasyqmys tedi. On oq boduny
qalyysyz tasyqmys ter. Tabɣač süsi bar ermis. Ol sabyɣ esidip qaɣanym ben
ebgerü tüsejiin tedi.
31.Qatun joq bolmys erti. Any joɣlatajyyn tedi sü baryŋ tedi. Altun jysda oluruŋ
tedi. Sü bosy Inal qaɣan:-tardus sad barzun tedi. Bilige Tuj-uquq[q]a baŋa
ajdy:
32.-Bu süg elt tedi. Qyjynyɣ köŋliŋče aj. Ben saŋa ne ajajyn tedi. Kelir erser kür
üklür. Kelmez erser tylyɣ sabyɣ aly olur tedi. Altun jysda olurtymyz.
33.Üč körüg kisi kelti. Saby bir. Qaɣan sü tasyqdy. On oq süsi qalysyz tasyqdy
ter. Jarys jazyda tirilelim temis. Ol sabyɣ esidip qaɣanɣaru ol sabyɣ yt[t]ym.
Qanta jan sabyɣ jana
34.kelti. Oluruŋ tijin temis. –Jelme qaraɣu edgüti urɣyl, basytma!-temis. Bögü
qaɣan baŋaru anča ajdymys. Apa tarqanɣaru ičre sab ydmys. Bilige Tuj-
uquq ajyɣ ol, öz ol aŋlar.
35. Sü jorylym tedeči. Unamaŋ!Ol sabyɣ esidip sü jorytdym. Altun jysyɣ jolsyzyn
asdymyz. Ertis ögüzig kečigsizin kečdimiz. Tün qatdymyz. Bolčuqa taŋ
üntürü tegdimiz.
Вторая стела
Западная сторона
36(1).Tylyɣ kelürti. Saby andaɣ:Jarys jazyda on tümen sü terilti ter. Ol sabyɣ
esidip begler qoupyn
37(2)."Ajnalym! Aryɣ ubuty jig", -tedi. "Ben anča termin:Ben bilige Tuj-uquq
Altun jysyɣ asa keltimiz, ertis ögüzig
38(3).keče keltimiz. Kelmisi alp tedi, tujmady. Teŋri umaj jer sub basa berti
erinč. Neke tezerbiz?
39(4).Üküs tejin neke qoorquur biz az tejin, ne basynalym? Tegelim tedim.
Tegtimiz jajdymyz. Ekinti küün kelti.
40(5).Örtče qyzyp kelti. Süŋüsdimiz. Bizinte eki učy, syŋarča artuq erti. Teŋri
jarylqaduq üčün üküs tejin
41(6).qooryqmadymyz, süŋüsdimiz. Tardus sad ara udy jajdymyz.
Qaɣanyn tutdymyz. Jabɣusyn šadyn2
42(7). anda ölürti. Elig ečir tutdymyz. Ol oq ötün bodunyyn2 saju yyt[t]y. Ol
sabyɣ esidip on-oq begleri boduny uqup
43(8). kelti, jükünti. Keligime beglerin bodunyn itip ertimiz. Az bodun tezmis
erti. On-oq süsin süledim.
44(9). Biz jeme süledimiz, any ert[t]imiz. Jinčü ögüzig keče tinsi oɣly jataɣma
beŋlik Ek taɣyɣ ertü[rtim].
Правая сторона
45(1). Temir qapyɣqa tegi irtimiz. Anda janturtymyz inel qaɣanqa [. . . . . ]yɣqa
tezik, toqarysyn
46(2). anda suq baslyɣ soɣdaq bodun uqup kelti. Ol künte ičikti. Türük
bodun temir qapyɣqa tinsi oɣly
47(3). Tinsi oɣly jataɣma taɣqa tegmis. Idi joq ermis. Ol jerte ben bilige Tuj-
uquq tegirtük üčün
48(4). saryɣ altun, örüŋ kümüs, qyyz quuduz igiri tebe aɣy buŋsyz kelürti.
Ilteris qaɣan bilig es[in üčün]
49(5). Alpyn üčün tabɣačqa jeti jigirmi süŋüsdi. Qyytajqa jeti süŋüsdi. Oɣuzqa
bes süŋüsdi. Anda ajɣučy
50(6). Jeme ben ök ertim. Ajɣučysy je[me ben] ertim. Ilteris qaɣanqa türük bögü
qaɣanqa, türük bilige qaɣanqa[………]
51(1). Qapaɣan qaɣan jeti otuzqa [qaɣan olurdy ]anda [. . . . . . ]erti. Qapaɣan
qaɣan olurtym. Tün udymaty
52(2). küüntüz olurmaty. Qyzyl qanym tökti, qara terim jügirti. Isig küčüg
bertim ök. Ben özüm uzun jelmeg jeme yt[t]ym
53(3). Arquj qyrɣuɣ ulɣartdym. Basynyɣma jaɣuqa kelürir ertim. Qaɣanymyn
süledimiz teŋri jarylqazu!
54(4). Bu türük bodunqa jaraqlyɣ jaɣyɣ keltürmedim. Tögünlig atyɣ jügürtmedim.
Ilteris qaɣan qazɣanmasar
55(5). Udu ben özüm qazɣanmasar il jeme, bodun jeme joq erteči erti.
Qazɣanduqyn üčün uduɣ ilim qazɣanduqym üčün
56(6). Il jeme il boldy, bodun jeme bodun boldy. Özüm qary boldym, uluɣ
boldym. Neŋ jerdeki qaɣanlyɣ bodunqa
57(7). [. . . . . ] eb ün etgü bar erser ne buŋy bar erteči ermis.
58(8). [. . . . . . . . . . . ] Türük bilige qaɣan iliŋe bititdim ben bilige Tuj-uquq.
Do'stlaringiz bilan baham: |
|
|
