|
II. 3.Orta Aziyada kartografiya
O’zbekistan geografiyasi ha’m kartografiyasina tiyisli ju’da’ a’hmiyetli «Hudud
al olam» (Olamning chegaralari) X a’sirde (983-jilda) jaratilip, avtori belgisizdir.
Onda sol da’wirge tiyisli ju’da’ ko’p geografiyaliq mag’liwmatlar berilgen. Usi
mag’liwmatlardi professor H.Hasanov hazirgi zaman karta tiykari tu’sirilip, sol
da’wirde jazilg’an bul shig’armani ju’da’ quramalilig’in da’lillep berdi.
Abu Rayxan Beruniy. XI-XII a’sirlerde Orta Aziya hamde Xorasandag’i ilim
ha’m pa’n rawajlaniwin Abu Rayxan Beruniy shig’armalarisiz ko’z aldimizg’a
keltire almaymiz. Alimnin’ shig’armalari tek g’ana buring’i sovet da’iwinde
shig’arilip qoymasdan, balkim Hindistan, Pakistanda, Misir, Iran, Angliya, Franciya,
Italiya, Germaniya, AQSH, Turkiya ha’m basqa ma’mleketlerde de baspadan
shig’arilip kelingen.
Mag’liwmatlarg’a qarag’anda, alimnin’ 113 shig’armasi bolg’an. Shig’is
ilimtaniwshilarinin’ en’ son’g’i esap-kitaplarina qarag’anda bul shig’armalardin’ 70
si astronomiyag’a, 20 si matematikag’a, 12 si geografiya ha’m geodeziyag’a, 4 ewi
kartografiya, 3 ewi klimatologiyag’a tiyisli ekenligi aniqlang’an.
Beruniydin’ shig’armalari arasinda geografiyag’a tiyisli shig’armalar ju’da’
ko’p, olarda geodeziya ha’m kartografiyag’a tiyisli baplar bar. Beruniy « Tasdih as-
suvar ha’m tadbix al-quvar» shig’armasinda (bul shig’armani H.Hasanov
«Kartografiya» dep atag’an) usturlab (astronomiyanin’ bir tu’ri), graduslar tori,
shardi tegis betke tu’siriw ha’m kartografiyaliq proekciyalar, aspan globusin jasaw
haqqinda mag’liwmatlar bergen.
Shig’armada kartalarda su’wretlenetug’in obiektlerdi qaysi ren’lerde
su’wretlew kerek ekenligi aytip o’tilgen. Misali, ten’izlerdi pistemag’iz ren’de, ag’in
suwlardi aspan ko’k ren’ler menen, jollardi ku’lren’ menen su’wretlengen.
Hindistan kitabinda qalalardin’ geografiyaliq koordinatalari esaplanip, olardin’
orinlari tegis ju’zege su’wretlengen. Misali, ol Luxor qalasinin’ ken’ligi 34
0
10
1
ekenligin, G’azna qalasiniki bolsa 33
0
35
1
, Qabul qalasiniki 33
0
47
1
, Nanda
qamalinikin 32
0
ekenligi esaplap berilgen.
Beruniy Hindistanda bolg’an saparinda jer aylanasinin’ uzinlig’in ha’m 1
0
ken’lik uzinlig’in a’piwayi usilda o’lshew jollarin islep shiqqan. Alimnin’ en’ iri
shig’armalarinan biri «Qanuni Mas’udiy» di 1037-jillarda, yag’niy o’mirinin’
son’g’i jillarinda jazip tamamlag’an, oni sol da’wirdin’ patshasi Sultan Mas’udqa
bag’ishlag’an. Bul kitap Beruniy shig’armalarinan birinshi bolip o’zbek tiline
awdarma qiling’an.
Beruniy o’zinin’ shig’armasinda geografiyaliq koordinatalardi aniqlawdi o’zi
islep shiqqan jan’asha usildan paydalanip, jer ju’zindegi 600 den artiq orinnin’ aniq
jaylasqan jerin ko’rsetip bergen. Beruniydin’ kartografiyag’a qosqan u’lesin
aytatug’in bolsaq, onin’ kartasi «Shen’ber proekciyasi»nda du’zilgen. Bul bolsa
ha’zirgi yarim sharlar kartasin duziwde qollanilatug’in proekciyag’a tuwri keledi.
Beruniy jer radiusinin’ uzinlig’in 6399,1 kkm, ekvator aylanasin 40181,5 km
dep belgilegen. Ulli alimnin’ sol da’wirdegi esap-kitaplari ha’zirgi esap-kitaplarg’a
ju’da’ jaqin. Evropada jer betindegi o’lshewler XVI a’sirge deyin de bunday
aniqliqta bolmag’an.
Beruniydin’ dunya kartasi onin’ «At-Tafhim» kitabina ilova qiling’an (bul karta
usi kitaptin’ Tashkentte O’zbekistan Respublikasi Pa’nler Akademiyasinin’
Sharqshunoslik institute qoljazbalar fondinda saqlanip atirg’an qol jazbasina ilova
qiling’an edi, onin’ diametric 12,5 sm, karta 1257-jilda ko’shirilgen 1-su’wret).
Beruniy globusi. Abu Rayxan Beruniy jerdin’ shar ta’rizliligine ju’da’ qatti
isengen, ha’m o’z shig’armalarinda bir neshe ret jazip qaldirg’an. Globustin’
diametri biq qansha u’lken, shama menen 5 metr bolg’an. 995-jilda jasalg’an bul
globus Xorezmde qalalar arasindag’i araliqti aniqraq o’lshew menen birge
orinlardin’ ken’lik ha’m uzaqlig’in belgilew ushin mo’lsherlengen (2-su’wret).
1-su’wret. Abu Rayxan Beruniydin’ «At-tafhim» kitabindag’i Dunya kartasi.
2-su’wret. Dunya kartasi.
Soni aytip o’tiw orinli, bul shig’istag’i da’slepki globus boliw menen birge, en’
birinshi relyefli globus bolip esaplanadi. Bul globustin’ jaqsi ta’repi sonda, Martin
Bexaym islegen globusda tek shig’is yarim shardag’i jerler ko’rsetilgen, Beruniy
globusinda bolsa Batis Evropa menen Shig’is Aziyada ko’rsetilgen.
Do'stlaringiz bilan baham: | 
