Qashqariy kartasinin’ tiykarg’i qa’siyetlerinen biri sonda, ondag’i geografiyaliq
baylanislar yaqqal ko’rinip turipti; daryalar tawlardan bir neshe tarmaqsha bolip
baslanadi ha’m ko’llerge yaki ten’izlerge kelip quyiladi. Qalalar tiykarinan darya
boylarinda taw janbawirlarinda jaylasqan. Kartadag’i e’n u’lken jan’aliq bul onda
sol kezdegi Jobraqo dep atalg’an Yaponiyanin’ su’wretlengenligi (3-su’wret).
Kartografiya tarawinda joqaridag’i alimlar ta’repinen ha’m avtori belgisiz
bolg’an «Hudud al-olam» shig’armasindag’i kartalardin’ mazmunin ha’m olarda
su’wretlengen aymaqlar salistirilsa, olarda bir-birine uqsasliq seziledi. Bul kartalar
Shig’is
kartografiyasinin’
da’slepki en’
qimbatli u’lgileri bolip, dunya
kartografiyasinin’ rawajlaniwina u’lken u’les qosqan.
1209-jilda xorasanli Muxammed Najip Bakron Xorezm shaxi Alawatdin
Muxammed inb Takashqa dunya kartasin du’zip bergen, kartag’a izah ushin
«Jahonnoma» kitabin da jazip bergen. Ol o’z kartasin ha’m izahnamasin jaziwda
Beruniy ha’m Istaxriylerdin’ shig’armalarinan paydalang’anlig’ini aytip o’tedi.
N.Bakronnin’ kartasi u’lken gezlemege sizilg’an. Kartadag’i sha’rtli belgiler
haqqinda ol sonday dep jazg’an; « … kishi shen’berler qalalardin’ orni». Bul
shen’bersheler qasina sol qalalardin’ atlari jazilg’an. Ten’izler jasil ren’de, ati bolsa
qizil ren’de, tawlar toq qizil ren’de, sho’ller, qumlar ha’m taslaq jerler sari ren’de,
arqadag’i qarli aymaqlar aq ren’de su’wretlengen.
Kartografiya pa’ni ushin bul kartanin’ a’hmiyeti sonda, kartada paralleller ha’m
meridianlar berilgen, bul bolsa shig’is kartografiyasinda derlik birinshi waqiya edi.
Biraqta, bul karta saqlanip qalinbag’an. Lekin og’an izah bergen «Jahonnoma»
ha’zirgi waqitqa deyin saqlanip kelinbekte.
XV a’sirdin’ 1-shi yarimi Orta Aziya ha’m Xorasan tariyxinda Oyaniw da’wiri,
ekonomika ha’m ma’deniyat, sawda-satiq, pa’n ha’m qurilis rawajlaniw da’wiri
bolip esaplanadi. Sol da’wirdin’ geograf sayaxatshilarinan biri Hofizi Abru. Ol
o’zinin’ shig’armalarina da’lil sipatinda ayirim aymaqlar kartasimyaki qalalar
su’wretlerinde sizip ko’rsetken. Bul su’wretler ishinde en’ a’hmiyetlisi «Dunya
kartasi». Bul kartanin’ o’lshemi 34-45 sm bolip, onda gradus torlari berilgen. Orta
a’sirlerde shig’ista du’zilgen kartalardin’ tek g’ana u’shewinde, bular Najip Bakron
kartasinda (1209-jil), Xandalloh Kazviniy (1340-jil) ha’m Xofizi Abru kartalarinda
(1420-jil) kartografiyaliq tor ko’rsetilgen. Xofizi Abru kartasinda gradus torlari
shen’berdin ishinde ha’m onin’ sirtinda ko’rsetilgen (4-suwret).
4-su’wret.
Hofizi Abru du’zgen dunya kartasi.
Kartada jer shari jeti klimatqa bo’linip, olardin’ shegaralari ken’lik boyinsha 0
0
dan 70
0
qa deyin ko’rsetilgen, arqadag’i aymaqlar ha’r 7
0
-8
0
aralig’inda
su’wretlengen. Bul kartanin’ bir nusqasi Tashkent qalasinda saqlanbaqta. Bul dunya
kartasina professor H.Hasanov Hofizi Abru din’ shax shig’armasina u’lken baha
beredi ha’m oni shig’is kartografiyasi maqtansa arzirli shig’arma dep aytip o’tedi.
Sonday etip, Beruniy, Najip Bakron ha’m Hofizi Abru kartalari shig’is geografiyasin
dunyag’a tanitqan ulli kartografiyaliq shig’armalar desek qa’telespeymiz.
Kartanin’ matematikaliq tiykari bolg’an geografiyaliq koordinatalar, yag’niy
geografiyaliq ken’likler, boyliqlar ju’da’ uzaq waqit dawaminda sol da’wir alimlari
arasinda 0
0
li meridian qay jerden o’lshenedi, degen sorawg’a bari birdey aniq
juwap bere almag’an. Usi ko’z qarastan alip qaraytin bolsaq, ha’tte Ulug’bektin’
«Zij Koragoniy» kesteside usi ma’selege aniqliq kirite almag’an.
Misali, Ulli astronom Gipparx (eramizdan alding’i II a’sirde jasag’an) Rados
atawi menen Aleksandriya qalasinan o’tken uzinliqti baslang’ish meridian dep qabil
etip alg’an. Onnan son’ Marin Tirskiy ha’m ptolemeyler «острава блаженных»
(Saodat atawlari) ti baslang’ish meridian etip belgilegen.
Bul atawlar Evropada tap XIX a’sirge deyin baslang’ish meridian dep qabil
qilinip, olar Ferro meridiani dep ju’ritilgen. Ol ha’zirgi Grinvich meridianinan
17
0
40
1
batista jaylasqan Kanar atawlarinin’ en’ shetindegi atawg’a tuwri keledi.
Beruniyde esaplawdi usi meridiannan baslag’an. Ulug’bek kestesin de
koordinatalar
Holidat
atawlarinan
esaplang’an
ha’m
ha’zirgi
Grinvich
meridianinan 23
0
parq etedi. Shig’is a’debiyatinda Holidat ha’m Saodat atawlarin
qa’liplestirip jiberilgenligi de mu’mkin degen pikirler joq emes, dep jazadi professor
H.Hasanov. Ha’tte XIX a’sirde de baslang’ish meridian aniq emes edi, misali,
ispanlar baslang’ish meridiandi Ferro atawinan, inglisler Grinvichden, francuzlar
Parijden, Rossiyada Pulkovodan o’tkizgen.
Ulug’bek da’wirindegi ilim-pa’nnin’ rawajlaniwi haqqinda gap barg’anda ,
onin’ shakirti Ali Qusshi jasag’an
«dunya kartasi»n ha’m Samarqandtag’i
Ulug’bek rasadxanasinda turg’an Jer shari globusin aytip o’tiw lazim.
Do'stlaringiz bilan baham: 
