Kurs jumisi tema: 1-3-klass «Ana tili hám oqıw sawatxanlıǵı» sabaqlıqlarında berilgen shınıǵıwlardıń mazmunı hám túrleri

Temanıń aktuallıǵı: Ana tili – bul hár bir eldiń, xalıqtıń, millettiń óz tili. Ana tili sózlik quramı, tiykarınan, sol tilge tiyisli xalıqtıń turmısı, mádeniyatı hám dástúrlerin ańlatatuǵın sóz hám túsiniklerden ibarat boladı. Ana tili rawajlanıwı hár bir el, xalıq hám millettiń social rawajlanıwı menen tıǵız baylanıslı. Sabaqtı shólkemlestiriw, basqarıw, baqlawda oqıwshı hám oqıtıwshı iskerligine qoyılatuǵın talaplar, didaktikalıq qaǵıydalar tálim principlari esaplanadı. Bul principlar hár pánde ayrıqsha izertlenedi. Tómende «Ana tili hám oqıw sawatxanlıǵı» sabaqlıqlarında berilgen shınıǵıwlardıń mazmunı hám túrler haqında sóz júritiledi.
Ana tili oqıtıwda sistemalılıq hám izbe-izlik principi zárúr orın tutadı. Til pániniń bólimlerin bir tártipte úyreniw sol principge uyqas túsedi. Ana tili pánin úyretiwde daslep fonetika, leksika haqqında, sońınan keyin sóz jasaw, sóz quramı, morfologiya hám sintaksis haqqında maǵlıwmat beriledi. Bul bolsa joqarıdaǵı principke ámel etilgenligin ańlatadı. Ana tilin oqıtıwda teoriyanı ámeliyatqa bólew de zárúr bolıp tabıladı. Onıń ushın fonetikalıqa hám grammatikalıqadan hár bir tema orfografiya yamasa punktuaciya menen, orfoepiya yamasa sózlik menen baylanıslı halda ótilishi kerek. Bul principni ámelge asırıw ushın grammatikalıq qaǵıydalarǵa uyqas mısallardı janlı sóylewden alıw, qaǵıydalardı bekkemlewde oqıwshılardıń dóretiwshilik oylawın ósiriwge járdem beretuǵın shınıǵıwlardan paydalanıw zárúr boladı.
Kurs jumısınıń obiekti: Izertlew obiekti ushın sabaqlıq hám qóllanbalarda berilgen shınıǵıwlar, ulıwma teoriyalıq maǵlıwmatlar, udayı tákirarlanatuǵın baspa sóz betlerindegi hám basqa tarawlardan alınǵan materiallar belgilendi.
Kurs jumısınıń predmeti: «Ana tili hám oqıw sawatxanlıǵı» sabaqlarınıń ámeliy áhmiyeti, shınıǵıwlardıń mazmunı hám de wazıypaları.
Kurs jumısınıń maqseti: 1-3 klasslarda ana tili hám oqıw sawatxanlıǵı sabaqların oqıtıwda zamanagóy shınıǵıwlardıń mazmunı hám túrlerin úyreniw hám izertlew ibarat.
Kurs jumısınıń wazıypaları:

• 
  «Ana tili hám oqıw sawatxanlıǵı» pániniń maqset hám wazıypaların úyreniw;
  
• 
  baslawısh klaslarda fonetika, grammatika, tuwrı jazıw hám sóylewdi ósiriw hám olardıń logikalıq oylawǵa shınıǵıwlardıń tásiri haqqında maǵlıwmat toplaw hám analiz etiw;
  
• 
  «Ana tili hám oqıw sawatxanlıǵı» sabaqların oqıtıwda zamanagóy shınıǵıwlardıń mazmunı hám túrlerin úyreniw hám izertlew;
  
• 
  1-3 klass «Ana tili hám oqıw sawatxanlıǵı» sabaqlarında oqıwshılardıń awızsha, jazba sóylewin shınıǵıwlar arqalı rawajlandırıw haqqında maǵlıwmat toplaw, úyreniw hám analiz etiwden ibarat.