Kurs ishi topshirdi: Yormatov Sh Qabul qiladi: Bo’ranova Lola Termiz – 2022 Mavzu

Davlat byudjeti daromadlar qismining ijrosi (yakunga nisbatan% da)¹⁰

Ko’rsatkichlar	2011	2012	2013	2014	2015	2016
Daromadlar – jami	100	100	100	100	100	100
1. To’g’ri soliqlar	26,4	25,4	24,2	23,4	24,1	24,0
YUridik shaxslar foyda solig’i	5,1	4,7	4,0	3,5	3,2	3,0
Jismoniy shaxslar daromad solig’i	11,2	10,8	10,4	10,3	10,4	10,1
2. Egri soliqlar	48,2	49,0	51,1	53,1	52,6	51,5
QQS	27,9	28,0	28,8	29,9	29,7	29,0
Aksiz	14,9	14,9	15,9	15,6	15,4	15,3
3. Resurs to’lovlari va mol-mulk solig’i	15,4	15,6	14,8	13,6	13,2	12,9
4. Boshqa daromadlar	10,0	10,0	9,9	9,9	10,1	11,6

Davlat byudjeti xarajatlari tarkibi (YAIMga nisbatan%da)¹¹

Ko’rsatkichlar	2011	2012	2013	2014	2015	2016
Harajatlar – jami	100	100	100	100	100	100
Ijtimoiy soha va aholini ijtimoiy qo’llab-quvvatlash harajatlari	58,0	58,9	58,7	58,8	58,8	58,9
Iqtisodiyotga harajatlar	11,5	11,1	10,6	10,7	10,5	10,6
Markazlashtirilgan investitsiyalarni moliyalashtirish harajatlari	6,6	5,4	5,6	5,1	5,1	5,2
Davlat hokimiyati, boshqaruv, sud va o’z-o’zini boshqarish organlarini saqlab turish harajatlari	3,8	4,1	4,5	4,5	4,4	4,4
4. Boshqa xarajatlar	20,1	20,5	20,6	20,9	21,2	20,9

Mamlakatimiz byudjet siyosatini takomillashtirish yuzasidan birinchi yarim yillikda qabul qilingan, byudjetlarning daromad bazasini kengaytirishga, byudjetlararo munosabatlarni takomillashtirishga va byudjet mablag’larining xarajatlar samaradorligini, natijadorligini oshirishga qaratilgan chora-tadbirlar hisobot davrida Davlat byudjetini mutanosib ijro etish imkonini berdi.
Soliqqa tortish tizimini soddalashtirishga qaratilgan byudjetlararo munosabatlarning va soliq ma’muriyatchiligining zamonaviy mexanizmlari joriy etilayotganligi qayd etildi. O’zbekiston Respublikasi Prezidentining «Mahalliy byudjetlarni shakllantirishda mahalliy davlat hokimiyati organlarining vakolatlarini kengaytirish chora-tadbirlari to’g’risida»gi hamda «Soliq ma’muriyatchiligini tubdan takomillashtirish, soliqlar va boshqa majburiy to’lovlarning yig’iluvchanligini oshirish chora-tadbirlari to’g’risida»gi farmonlarining tutgan o’rni alohida qayd etilib, ushbu farmonlarga muvofiq aholining real daromadlarini, hayoti darajasi va sifatini oshirish, respublika byudjetidan moliyalashtirishga bog’liqlikni kamaytirish, mahalliy davlat hokimiyati organlarining mustaqilligini kuchaytirish maqsadida hududlarni kompleks rivojlantirishning barqaror moliyalashtirilishini ta’minlash mamlakatimiz byudjet siyosatining asosiy vazifasi etib belgilangan.
5.O’zbekiston Respublikasi budjet-soliq siyosati va jahon moliyaviy-iqtisodiy inqirozi sharoitida uning xususiyatlari
Mamlakatimizda amalga oshirilayotgan fiskal siyosatni yanada takomillashtirish, soliqlar va byudjet xarajatlaridan iqtisodiyotni barqaror o’stirishni rag’batlantirishning amaliy vositalari sifatida foydalanish borasida chora-tadbirlar belgilanayotganda bugun jahon iqtisodiyotida yuzaga kelgan va mamlakatimiz iqtisodiyotiga ham o’z ta’sirini o’shtkazayotgan jahon moliyaviy-iqtisodiy inqirozini hisobga olish zarur bo’ladi.
Mamlakatimiz iqtisodiyoti jahon xo’jalik va iqtisodiy-moliyaviy tizimiga integratsiyalashgan bir sharoitda jahon moliyaviy inqirozi, avvalo uning oqibatlari bizga ham salbiy ta’sir ko’rsatmoqda.
Bu ta’sirlar quyidagilar:

• 
  jahon bozorida talabning pasayishi natijasida O’zbekiston eksport qiladigan mahsulotlarga talab vaularning narxi tushib ketishi( natieada eksport uchun mahsulot ishlab chiqaruvchi korxonalarning moliyaviy-iqtisodiy holati yomonlashadi;
  
• 
  mamlakatimizga investitsiya qilishi mumkin bo’lgan potensial xorijiy investorlar moliviy ahvolining yomonlashuvi natijasida xorijiy investitsiyalar miqdorining ehtimol tutilgan pasayishi.
  

“Dunyoning nufuzli ekspertlari tomonidan bildirilayotgan fikrlarga ko’ra, bu inqiroz joriy yilda va 2010 yilda ham davom etishi va ehtimol yanada chuqurlashishi kutilmoqda.
SHundan kelib chiqqan holda, o’z-o’zidan ayonki, mamlakatimizda jahon iqtisodiy inqirozining salbiy oqibatlarini bartaraf etish bo’yicha 2009 -2012 yillarga mo’ljallab qabul qilingan Inqirozga qarshi choralar dasturi O’zbekistonni 2009 yilda ijtimoiy-iqtisodiy rivojlantirishning eng ustuvor yo’nalishi bo’lib qoladi”. ¹²
Dasturda belgilangan asosiy chora-tadbirlar yo’nalishlari quyidagilardir:
1) eksportga mahsulot chiqaruvchi korxonalarni qo’llab-quvvatlash va barqaror ishlashini ta’minlash;
2)mahalliy ishlab chiqaruvchilarning mahsulotlariga bo’lgan ichki talabni rag’batlantirish;
3)iqtisodiyotning real sektori sohasidagi investitsion faollikning resurs bazasini kengaytirish va o’sishini ta’minlash;
4)elektr-energetika sohasini modernizatsiyalash, energiya sig’imini qisqartirish hamdaenergiya tejamkorlik tizimini joriy etish;
5)kichik biznes rivojlanishini qo’llab quvvatlash, aholi bandliligi va yangi ish o’rinlari tashkil etishga ko’maklashishni kuchaytirish.
Mamlakatimiz iqtisodiyotini tubdan tarkibiy o’zgartirish va diversifikatsiya qilish, qisqa muddatda biz uchun mutlaqo yangi, lokomotiv rolini bajaradigan tarmoqlarni barpo etish, ishlab chiqarishni modernizatsiya qilish, texnik va texnologik yangilash dasturlarini amalga oshirish, zamonaviy bozor infratuzilmasini shakllantirish borasida o’z vaqtida boshlangan, chuqur o’ylangan va uzoq istiqbolga mo’ljallangan ishlar natijasida keyingi yillarda eksport sohasida katta yutuqlar qo’lga kiritildi.
2008 yilda eksport 28,7 % ga, tashqi savdoning ijobiy sal’dosi 78,3 % ga oshdi.
Eksport qiluvchi korxonalarni qo’llab quvvatlash borasida 2009 yilda quyidagi fiskal choralar ko’rilmoqda:
-korxonalarning byudjet, byudjetdan tashqari fondlar, kommunal xo’jaligi oldidagi qarzlari bo’yicha penyalarni hisobdan o’chirish;
-ortiqcha to’langan qo’shimcha qiymat solig’i summasini korxonalarga qaytarish muddatini 10 kunga, ya’ni 30 kundan 20 kungacha qisqartirish;
- “tayyor mahsulot ishlab chiqarishga ixtisoslashgan, xorijiy investitsiya ishtirokida tashkil etilgan korxonalarni byudjetga barcha turdagi soliq va to’lovlardan – qo’shimcha qiymat solig’i bundan mustasno – ozod qilish muddatini 2012 yilgacha uzaytirish”; ¹³
-o’z vaqtida valyuta tushumlari kelib tushmaganligi uchun jarima choralari
hisoblanadigan muddatni 30 kundan 60 kungacha uzaytirish.
Investitsiyalar hajmining qisqarishiga yo’l qo’ymaslik iqtisodiyotning barqaror rivojlanishi shartlaridan biridir.
2009 yilda mamlakatimiz iqtisodiyotiga jalb etiladigan xorijiy investitsiya hajmi 1 milliard 800 million dollarga ko’payadi, buning to’rtdan uch qismi to’g’ridan-to’g’ri investitsiyalardir.
2008 yilda mamlakatimizda kichik biznes va xususiy tadbirkorlik sohasi ham barqaror rivojlandi. Xo’jalik yurituvchi sub’yektlarning soliq yukini yanada kamaytirish, mikrofirma va kichik korxonalar uchun yagona soliq to’lovining 10 foizdan 8 foizga, 2009 yildan boshlab esa 7 foizga tushirilishi, jismoniy shaxslardan olinadigan daromad solig’i stavkalarining kamaytirilishi va ayni paytda uni hisoblash tartiblarining takomillashtirilishi tadbirkorlik, kichik va xususiy biznesni izchil rivojlantirish uchun kuchli rag’batlantiruvchi omillar yaratdi. Natijada so’nggi olti yil mobaynida faoliyat yuritayotgan kichik biznes sub’yektlari soni 1,9 barobar ko’paydi va 2008 yili qariyb 400 mingtani tashkil etdi.
2008 yilda kasanachilar tomonidan 34 milliard so’mlik mahsulot ishlab chiqarildi va xizmatlar ko’rsatildi. Kasanachilik uchun ish o’rinlari ochgan korxonalar, shu borada o’zlariga berilgan imtiyozlar hisobidan 1 milliard so’mdan ortiq mablag’ni tejashga erishdi.
Inqirozga qarshi chora tadbirlar qatorida 2009 yilning 1 yanvaridan sanoat sohasida faoliyat ko’rsatayotgan kichik korxonalar uchun yagona soliq to’lov stavkasi 8 foizdan 7 foizga kamaytirildi, moliyaviy, maishiy va boshqa xizmatlarni ko’rsatayotgan mikrofirmalar va kichik korxonalar yagona soliq to’lovidan 3 yil muddatga ozod etildi. Bunda mikrofirmalar va kichik korxonalar, nodavlat xo’jalik yurituvchi sub’yektlarni oladigan dividendlarining investitsiyalarga, avval olingan kreditlar uchun hisob-kitob qilishga yo’naltiriladigan qismi 5 yil muddatga soliqdan ozod etildi.
SHuningdek, Inqirozga qarshi choralar dasturida 2009 yilda xo’jalik yurituvchi sub’yektlarni tekshirishlar sonini kamida yana 30 foizga kamaytirish ko’zda tutilgan.
Bu chora tadbirlar sanoat tarmoqlarini barqaror rivojlantirish, sanoat ishlab chiqarishinig YAIMdagi ulushi orttirish, tejamkor texnologiyalar joriy qilish uchun moliyaviy resurslarni kengaytirish, mahsulot tarnnarxini pasaytirish imkonini beradi.
Jahon moliyaviy-iqtisodiy inqirozi sharoitida milliy iqtisodiyotni barqaror rivojlantirishda ishlab chiqarishni mahalliylashtirish dasturini kengaytirish katta o’rin tutadi. Respubliukamizda inqirozga qarshi dastur doirasidagi loyihalar hajmini 3-4 barobar ko’paytirish mo’ljallanmoqda.
2008 yilda jahon bozorlarida oziq-ovqat mahsulotlari narxining keskin ko’tarilishi ro’y berdi. Bunday sharoitda oziq-ovqatmahsulotlarining ishonchli ta’minotini izdan chiqarmaslik, ichki ishlab chiqarish hajmini ko’paytirish maqsadlarida oziq ovqat ekinlari maydonini kengaytirish to’g’risida O’zbekiston respublikasi Prezidentining qarori qabul qilindi. Bu qarordan tashqari oziq-ovqat va boshqa iste’mol tovarlari ishlab chiqarishni kengaytirishni rag’batlantirish bo’yicha qabul qilingan dasturlarda mamlakatimiz ishlab chiqarish korxonalari uchun keng ko’lamli rag’batlantirish tizimi nazarda tutilgan. “Jumladan, ular uchun 2012 yilning 1 yanvarigacha quyidagi soliq va bojxona imtiyozlari berilmoqda:
go’sht va sutni qayta ishlashga ixtisoslashgan mikrofirma va kichik korxonalar uchun bo’shagan mablag’larni ishlab chiqarishni texnik qayta jihozlash va modernizatsiya qilishga maqsadli ravishda yo’naltirish sharti bilan yagona soliq to’lovi stavkasini 50 foizga qisqartirish;
tayyor nooziq-ovqat tovarlarning muayyan turlarini ishlab chiqarishga ixtisoslashgan korxonalarni foyda va mulk soliqlaridan, mikrofirma va kichik korxonalarni yagona soliq to’lovidan ozod qilish”¹⁴
Inqirozga qarshi dastur doirasida davlat byudjeti va maqsadli nobyudjet davlat jamg’armalari mablag’lari hisobidan xo’jalik yurituvchi sub’yektlarni qo’llab quvvatlash choralari ko’rilmoqda.
Davlat byudjetidan fermer xo’jaliklarini qo’llab-quvvatlash uchun katta miqdorda moddiy resurs va mablag’lar ajratilmoqda. Faqat o’tgan 2008 yilning o’zida qishloq xo’jalik mahsulotlarining eng muhim turlarini yetishtirish uchun 1 trillion so’m, jumladan, paxta tayyorlashga – 800 milliard so’m, g’alla yetishtirishga 200 milliard so’m mablag’ avans tariqasida berildi. 2009 yilda ushbu maqsadlar uchun 1 trillion 200 milliard so’m yo’naltiriladi.
Ichki talabni rag’batlantirish maqsadlarida 2009 yilda byudjet tashkilotlari ishchilarining oylik ish xaqilarini, pensiya, stependiyalarni nafaqalarni 1,3 marta oshirish, ta’lim xarajatlarini YAIMga nisbatan 7,5% gacha sog’liqni saqlashga 2,7%ga va markazlashgan investitsiyalar hajmini YAIMga nisbatan 1,7%ga oshirish ko’zda tutilmoqda.
Jahon moliyaviy-iqtisodiy inqirozi sharoitida mamlakatni barqaror rivojlantirishga qaratilgan bu chora tadbirlar kompleksni amalga oshirilishi O’zbekiston iqtisodiyotida iqtisodiy o’sishni va makroiqtisodiy barqarorlikni ta’minlash, xalqimiz turmush farovonligini oshirish imkonini beradi.