Kurs: I guruh(lar): Fan

O‘zini o‘zi rivojlantirish kompetentsiyasi (B1+)
– shaxs sifatida ma’naviy, ruhiy va intellektual kamolotga intilishni hayotiy-ma’naviy ehtiyojga aylantirish;
– o‘z xatti-harakati, fikr-mulohazalariga tanqidiy yondasha olish, o‘zini nazorat qila bilish, og‘zaki va yozma matnlar mazmuniga to‘g‘ri baho bera bilish.


Fanga oid kompetensiyalar:
Ilmiy xabardorlik kompetensiyasi (B1+): biologik ob’ekt, hodisa va jarayonlarning o‘ziga xos xususiyatlarini biladi; biologik ob’ekt, hodisa va jarayonlarning mohiyatini tushunadi; biologik ob’ekt, hodisa va jarayonlarni taqqoslaydi, tahlil qiladi, umumlashtiradi, klassifikatsiyalaydi.

Darsning blok sxemasi

№	Darsning qismlari	Ajratilgan vaqt
1.	Tashkiliy qism	5 daqiqa
2.	O’tilgan mavzuni takrorlash	15 daqiqa
3.	Yangi mavzu bayoni	40 daqiqa
4.	Yangi mavzuni mustahkamlash	10 daqiqa
5.	O’quvchilar bilimini baholash	7 daqiqa
6.	Uyga vazifa	3 daqiqa

I. Tashkiliy qism: Salomlashish, davomatni aniqlash, o’quvchilar formasini, o’quvchilarning o’quv qurollari bilan ta’minlanganliklarini va sinf tozaligini kuzatish.
II. O’tilgan mavzuni takrorlash:
1.qaysi qushlar doimiyjuft hosil qiladi?
2.Qaysi qushlarning jufti doimiy bo’lmaydi?
3.Qushlarning tuxumi qanday tuzilgan?
4.Qushlar nasliga qanday g’amxo’rlik qiladi?
5.Qaysi qushlar o’troq deyiladi?
6. Qaysi qushlar ko’chib yuruvchi deyiladi?
7. Qaysi qushlar uchib ketuvchi bo’ladi?
8.Nima sababdan qushlar uchib ketadi?
9.Qushlar nima maqsadda halqalanadi?
10.Vohalarda qanday qushlar ko’proq uchraydi?
III. Yangi mavzu bayoni:
a) yangi mavzuning nomlanishi: Sut emizuvchilarning tashqi tuzilishi hamda xilma-xilligini o‘rganish.


b) yangi mavzu rejasi:
1) Sut emizuvchilar sinfi. Sut emizuvchilarning tashqi tuzilishi, ekologiyasi.
2) Sut emizuvchilarning xilma-xilligi.


d) yangi mavzu bayon matni:
Sut emizuvchilar - tanasi jun bilan qoplangan issiq qonli umurtqa­li hayvonlar. Ular bolasini sut bilan boqadi. Sut emizuvchilar boshqa umurtqali hayvonlarga nisbatan yuksak tuzilishga ega. Oyoqlari tanasi ostida joylashgan.Umumiy tavsifi. Sut emizuvchilar - amniota guruhiga mansub is­siqqonli hayvonlar. Tanasi qalin jun bilan qoplangan, terisida yog' vа ter bez­lari bor. Bosh miya yarimsharlari po'stlog'i kuchli rivojlangan. O'rta qulog'ida uchta eshitish suyakchalari bor. Tishlari jag' chuqurchasid joylashgan bо'lib, shakli vа vazifasiga ko'ra turlicha ixtisoslashgan. O'pkasi alveolar tipda, yuragi to'rt kamerali. Yagona yurak aortasi yurakni chap tomondan aylanib o'tadi. Ko'krak qafasi bo'shlig'i qorin bo'shlig'idan yupqa to'siq-diafragma bilan ajralgan. Ayirish organi bir juft buyrakdan iborat.Barcha sut emizuvchilar urg'ochisida sut bezlari rivojlangan bo'lib, bolasini sut bilan boqadi. Ularning ko'pchiligi tirik bola tug'adi, faqat ayrimlari tuxum tug'ib ko'payadi. Sut emizuvchilaming 4000 dan ortiq turi ma'lum. O'zbekiston fau­nasida 95 ga yaqin turi tarqalgan. Sut emizuvchilar sinfi tuxum qo'yuvchilar, xaltalilar, yo'ldoshlilar kenja sinflariga bo'linadi.Таnа qoplag'ichi. Sut emizuvchilar terisida naysimon ter bezlari vа alveolar yog' bezlari bor. Ter bezlari ayirish funksiyasini bajaradi; ular ishlab chiqaradigan ter issiq havoda tanani sovutadi. Yog' bezlari ajratib chiqaradigan sekreti teri va junni yog'lab, mexanik ta'sirdan himoya qiladi, teri va junga suv yuqtirmaydi. Barcha sut emizuvchilar uchun xos bo'lga sut bez/ari ishlab chiqaradagan sut esa ularning bolasi uchun oziq hisob­lanadi. Sut bezlarining so'rg'ichlari odatda ko'krak vа qorinda, ba'zan tananing уоn tomonida joylashadi. So'rg'ichlar soni sut emizuvchilar­ning serpushtligiga bog'liq; 1-2 ta bola tug'adigan sut emizuvchilarda ularning soni 2-4 ta, ko'p bola tug'adiganlarda 10 tagacha, ba'zan undan ham ko'proq bo'ladi.Sut emizuvchilar gavdasi bosh, bo'yin, tana vа oyoqlarga ajratiladi. Gavdasi jun bilan qoplangan; faqat ayrim sut emizuvchilarning jun qoplami ikkilamchi tarzda reduksiyaga uchragan. Jun qoplami sut emi­zuvchilar uchun katta ahamiyatga ega bo'lib, termoregulatsiya, mexanik ta'sirdan himoya qilish vazifasini bajaradi. Sut emizuvchilar tanasining rangi ham jun qoplami rangi bilan bog'liq. Jun qoplami juda ko'p alohi­da soch tolalaridan tashkil topgan. Soch-ipsimon muguz moddadan iborat bo’lib, epidermisning ostki qavatlaridan hosil bo'ladi. Har bir soch tolasi teri ustida joylashgan soch o'qidan vа teri ichiga botib kirgan soch ildizidan iborat, soch ildizi soch xaltachasida joylashgan; ildizi uchida piyozchasi bor.Piyozcha hujayralarining ko'payishi tufayli soch o'sadi.