Kostum va moda tarixi

Postin – qo‘y terisidan tikilgan turkman erkaklarining 
qishki ustki kiyimi.
«Pret-a-porter»  (fransuzcha  talaffuzda  «pret-a-porte»)  – 
tayyor ko‘ylak industriyasi, tayyor ko‘ylak ishlab chiqarish 
sanoati ma’nosida.
Rengrav-ishton – XVII asr G‘arbiy Yevropada ikki qavatli 
yubka-ishton. Bunda – keng ishton ustidan kiyilgan taxlama 
(skladka)li yubkadir. Sharvarning belbog‘i, yon choklari tesma, 
bant, pirpirak, to‘r singari bezaklar bilan bezaklangan.
Retro  uslub – zamonaviy modaning o‘tgan zamonlar 
modasidan amalga oshiradigan mayda-chuyda «o‘g‘irliklari» 
shunday deb ataladi. Masalan, XX asrning 1980-yillarida 
moda 1920–1950-yillardagi liboslarning ayrim g‘oyalarini 
o‘zlashtirishni odat qilgan. Albatta, bunda detallarning ko‘rinishi 
ancha-muncha o‘zgartiriladi, zamonaviylashtiriladi. Har holda 
bu ishni uslub emas, uslublashtirish, desa ham bo‘ladi. Balki 
buni – eski zamonlarni sog‘inish, qo‘msash, deyish mumkin.
Romantik uslub – o‘tgan asrlar bezaklarning barchasini 
o‘z ichiga olgan: to‘rlar, nozik kashtalar, gullar, burmalar, 
pirpiraklar, qo‘shetaklar, bantlar. Bu uslubdagi kiyimlar uchun 

---

204
murakkab bichim; chiroyli, ammo amaliy jihatdan befoyda 
detallar; nafis yoki murakkab ranglar, matolarning g‘ayrioddiy 
fakturalari xosdir. An’anaga ko‘ra, oqshom liboslari romantik 
uslubda tikiladi.
Ropa – tugmalari taqilmaydigan, dekorativ osilib turgan 
yengli libos. Uni bo‘yin ostidan taqilgan yoki taqilmagan holda 
«Uyg‘onish davri»da ispan erkaklari kiyishgan.