Kostum va moda tarixi

Datemaki – yapon libosida belbog‘.
Dzori – yapon libosidagi oyoq kiyim.
Dzyuban – yapon erkak va ayollarining libosidagi ichki 
yelka kiyimi.
Diploidalar – bu qaytarmalardir. Qadimgi yunon ayollari 
libosida bezak o‘rnini bosib, u boshqa rangdagi matodan 
tikilgan turli-tuman kashtalar, applikatsiyalar, bezakli detallar 
bilan bezaklangan. Qaytarmaning uzunligi turlicha bo‘lgan. 
Xususan, ular ko‘krakkacha, bo‘ksagacha, tizzagacha bo‘lishi 
mumkin edi. Xuddi erkaklar xitonlari singari ayollarniki 
ham  yelkaga  fibula-to‘g‘nag‘ichlar  bilan  mahkamlanib,  belda 
kolpos deb nom olgan belbog‘ bilan mahkamlanib, ayol tanasi 
go‘zalligini bo‘rttirib turgan. 
Disko – yoshlar libosidagi kichik bir uslubiy oqimcha. 
Diskoning ko‘ylak va kostumlarining ishlatilish maqsadi juda 
tor, ya’ni faqat diskotekaga borish va raqs tushish. Aksariyat bu 
liboslar yarqiroq, «baqiroq» va ola-chalpoq bo‘ladi. Trikotajdan 
ham foydalaniladi. Ularning shakli, bichimi shu davrdagi 
modaning talabiga mos o‘zgaruvchan. Disko-ko‘ylak (yoki 
diskotek-ko‘ylak) bu raqs va o‘yinning tantanavor libosidir.
Diffuz  uslubi (lotincha – «bir-biriga o‘tish») – XX asr 
1970-yillari mahsuli. Avvaldan bilib turib, o‘ylab, libosdagi 
qismlarni turli uslublardan tanlab terish. Romantik uslubdagi 

---

191
ko‘ylak ustidan ishchanlik pidjagi; folklor uslubidagi bluzkaga 
sport shimini kiyish va hokazo. Ammo, har narsaga ruxsat 
ko‘ngilga kelganini qilish degani emas, har xil uslublardan 
kostum yig‘i larkan, libosning mo‘ljallangan maqsadi, manzili, 
talablari mustah kam ushlanishi zarur. Bema’ni bachkanalik 
bachkanaligicha qolaveradi.