Kostum va moda tarixi

Bi – Xitoyda gamash.
Bilezik – bilaguzuk.
Bichim – kiyimning yeng ulanish chizig‘i, old va ort 
bo‘laklarining vertikal (bo‘ylama) yoki gorizontal (ko‘ndalang) 
bo‘linishlarining chiziqlari kabi – konstruktiv chiziqlar hosil 
qilgan tashqi ko‘rinishi.
Blio – belning pastidan ajralgan yopinchiq shaklidagi ilk 
o‘rta asrlar G‘arbiy Yevropa libosi. Yuqori qismi yelka, ko‘krak 
va belga yopishib turib, bo‘ksa tomon kengayadi. Etak tomoni 
ikki yarim doira shaklida bichilgan. Ular old va orqa tomon 
beletaklariga qo‘shib tikilgan. Ushbu kiyimning umumiy 
uzunligi boldirning o‘rtalariga qadar boradi. Blioning yenglari 
yaxlit tor, past tomonga qarab voronka shaklida kengaygan. 
Yon yiriqlari orasidan rang jihatdan keskin tafovutli yorqin 
rangdagi  tunika  ko‘rinib  turadi.  Blio  odatda  orqa  tarafidan 
shnurlangan.
Borik  –  atrofiga  mo‘yna  tikilgan  qozoq  erkaklari  bosh 
kiyimi.

---

190
Day – xitoyliklarda – belbog‘, aslzoda va amaldorlarning 
boylik ramzi. 
Dalmatika – keng yengli, ancha uzun, yoyilgan holatda 
kreatni eslatuvchi kiyim. Bu kiyimni asosan rimlik xristianlar 
(1-asr boshiga kelib rimga xristian dini kirib kela boshladi. 
Dastlab  ezilgan  sinflarni  qamrab  olgan  ushbu  din  vaqt  o‘tib, 
yuqori sinflar doirasida ham tarqala boshladi) kiyishgan.