22-dekabr ⚡️ Milliy libos millat ko‘zgusi

22-dekabr

⚡️ Milliy libos - millat ko‘zgusi

▪️ Universitet xotin-qizlar kengashi universitetda ta’lim olayotgan iqtidorli, dizaynerlik va chevarlik qobiliyatiga ega talaba-qizlarning faoliyatini qo‘llab-quvvatlash va rag‘batlantirish, ularni kichik biznes va tadbirkorlikka yo‘naltirish, talaba-qizlar o‘rtasida milliy qadriyatlarimiz, milliy urf-odatlarimizga hurmat, milliylikni zamonaviylik bilan uzviylashtirish ko‘nikmalarini shakllantirish maqsadida talaba-qizlar o‘rtasida "Milliy libos-millat ko‘zgusi" tanlovini tashkil etdi. Tanlovning fakultetlar bosqichi kurslar kesimida bo‘lib o‘tmoqda. Joriy yilning 22-dekabr kuni Roman-german filologiyasi fakulteti 2-kurs talaba-qizlari “Momolar bisotidan” mavzuida qadimiy o‘zbek-milliy liboslari namoyishi, “Milliy matolardan milliy liboslar” milliy uslubdagi liboslar taqdimoti, “Zamonaviy - milliy liboslar” milliy matolardan zamonaviy uslubdagi liboslar namoyishi kabi tanlov shartlari doirasida liboslar kolleksiyalarini namoyish etdilar.

▪️ Baholashning xolisligini ta’minlash maqsadida hay’at a’zoligiga soha mutaxassislari taklif qilindi. Tanlov g‘oliblari fakultet rahbariyati va universitet xotin-qizlar Kengashi tomonidan “Tashakkurnoma” va esdalik sovg‘alari bilan taqdirlandilar. Shuningdek, tadbir jarayonida “O‘zbekiston yoshlari forumi-2021" haftaligi doirasida yoshlar o‘rtasida o‘tkazilgan "Zukko kitobxon" intellektual turnirining Respublika bosqichida Qashqadaryo viloyatining "Yuksalish" jamoasi tarkibida ishtirok etib, uchinchi o‘rinni egallagan Roman-german filologiyasi fakulteti 019-39-guruh talabasi Jo‘rayeva Dilshoda Bahodir qizining yutuqlari talaba-yoshlar o‘rtasida namuna sifatida e’tirof etildi. Tabiiyki, ushbu targ‘ibot yoshlarimizni kitob o‘qishga bo‘lgan qiziqishlarini yanada oshishiga xizmat qiladi.

Tyutorlar: Djumayeva.S

Mahmanova.M

Salomova.M