Kirish. Mavzuning dolzarbligi

Kirish.


Mavzuning dolzarbligi. Bugungi kunda globallashuv jarayonining ahamiyati tobora ortib borishi natijasida jahon xo’jaligida mamlakatlarning bir-biri bilan iqtisodiy jihatdan tobora bog’lanib borayotganini ko’rishimiz mumkin. O’zbekiston va jahon hamjamiyati mamlakatlari o’rtasidagi har tomonlama aloqalarning kengayishi har ikki tomon uchun iqtisodiy va siyosiy jihatdan foydali hisoblanadi. Shu bilan birga, har bir mamlakat iqtisodiyotining rivojlanishi, uning milliy xo’jaligi ko’p darajada nafaqat bu mamlakatning ichki imkoniyatlari bilan, balki uning xalqaro ijtimoiy mehnat taqsimotida qatnashish darajasi va miqyosi hamda butun insoniyat resurslari bilan aniqlanadi. Shu nuqtai nazardan kelib chiqib qaraydigan bo’lsak, ushbu kurs ishining dolzarligi, mamlakatimizda, aynan ochiq iqtisodiyot tamoyillariga tayangan holda samarali iqtisodiy islohotlar olib borish, mamlakatning dunyo xo’jaligi aloqalari tizimida, xalqaro mehnat taqsimotida faol ishtirok etish, xorijiy investitsiyalarni jalb etish va xorijiy mamlakatlarga investitsiyalar chiqarish, mamlakatimizda ishlab chiqarilayotgan mahsulotlarni xorijga eksport qilish kabi masalalar mamlakatimiz oldida turgan eng muhim va hal qilinishi lozim bo’lgan eng ustivor vazifalar hisoblanadi.
Ushbu muammolar O`zbekistondagi ochiq iqtisodiyot modelini yanada shakllantirish va rivojlantirish hamda uning samaradorligini oshirish yo`llarini chuqur o`rganish, tahlil qilish va takomillashtirish zarurligi bu mavzuning dolzarbligini ko`rsatadi. Chunki iqtisodiyotni iqtisodiy o`sish yo`liga olib chiqish uchun ko’proq investitsiyalarni jalb qilish, investitsiyalarni chiqarish, xalqaro mehnat taqsimotida qatnashish, kapital harakatini erkinlashtirish, ishlab chiqarishni ko’paytirish, tayyor mahsulotlar eksportini ko’paytirish, iqtisodiyotni erkinlashtirish siyosatini olib borish jarayonlarida tub siljishlar qilish zarurligini bugungi kunning o’zi tasdiqlab turibdi. Shularning hammasi bugungi kun voqeliklarini hisobga oladigan, bozor sharoitlariga moslashgan hamda tegishli nazariy poydevorga tayangan ochiq iqtisodiyotga nisbatan yangicha yondoshuvlarni ishlab chiqishni talab etadi.
Kurs ishning maqsad va vazifalari. Ushbu kurs ishining maqsadi yuqori darajadagi iqtisodiy o`sishni ta`minlashda ochiq iqtisodiyot modelining samaradorliligini ko’rsatib berish va uning rivojlangan mamlakatlar iqtisodiyotidagi erkin boshqaruvchilik rolini aniqlashda va ular tajribasini o`rganish negizida O`zbekistonning ochiq iqtisodiyot modelini yanada shakllantirish va rivojlantirish hamda shu asnoda xorijiy investitsiyalarni ko’proq mamalkatimizga jalb etishni, xorijga investitsiyalar chiqarish, eksport va import ko’lamini kengaytirish, erkin iqtisodiy hududlarni ko’paytirish va umuman iqtisdiyotni erkinlashtirish siyosatini olib borgan holda mamlakatimizning jahon hamjamiyati oldida jahon xo’jalik aloqalarida keng qatnashishini amalga oshirish yo’llari tahlil qilishdan iboratdir.
Yuqoridagi maqsadlar kelib chiqqan holatda ushbu kurs ishi quyidagi vazifalarni o’z ichiga oladi.

• 
  Ochiq iqtisodiyot modelinining kelib chiqish, tarixiy shart-sharoitini va xususiyatlarini tahlil qilish;
  
• 
  Globallashuv davrida uning rivojlangan va rivojlanayotgan mamlakatlardagi zamonaviy holatini tahlil qilish;
  
• 
  O’zbekistonning tashqi iqtisodiy faoliyat prinsiplari va ochiq iqtisodiyot modeli hamda uning istiqbollari o’rganib chiqish;
  
• 
  Jahon xo’jaligida ochiq iqtisodiyot modelining mamlakatlarning xalqaro savdoda va xalqaro mehnat taqsimotida qatnashishida nechog’lik ahamiyatli ekanligini ko’rsatib berishdir;