Кийимни моделлаштириш ва бадиий безаш

Чўнтаклар ва манжетлар
Кийимдаги деталлар унинг услубини аниқлайди. Кийимда чўнтаклар ва манжетлар роли ҳам жуда муҳим (1.114, 1.115-расмлар). Классик услуб учун қатъий аниқ шакл ва пропорцияли, одатда функционал деталлар характерли: ёқа ўмизи ёпиқ ўйилишда ёки очиқда ёқа ва адип қайтармаси. Чўнтаклар маҳсулот чоки ёки бутун деталда жойлаштирилган бўлиши мумкин – бу клапанли кесилган ёки ромчада турли баргчалар. Оддий шакл ва тугмага тақилувчи манжетлар классик услубга деталлар минимуми характерли.

1.114-расм. Кесилган ва устга қўйилувчи чўнтак турлари



1.115-расм. Турли услуб кийимида манжет турлари

Спорт услубидаги деталлар нафақат функционал, балки декоративроқ бўлиши керак. Бу айниқса чўнтакларга тегишли. Улар ўлчамлари, шакллари, ички декоратив ишланмаси турлича.

Квадрат, тўғрибурчакли, маҳсулотга асимметрик жойлашган учбурчак овал четли, икки киришли қўш чўнтаклар таклиф этилади. Спорт услубидаги чўнтаклар турли конфигурацияли клапанлар, рўпара тахламалар билан безатилиши, кнопкалар, молниялар билан тақилиши мумкин. Ҳажмли шаклдаги чўнтакларнинг янги шакллари ҳам учрайди: гармошка, жилд, портфел, халта шаклидаги чўнтаклар. Қайтарма четли чўнтаклар ҳам қизиқарли классик услубдан фарқли спорт услуби деталлар кўплиги, айниқса турлича жойлаштирилган чўнтакларни кўзда тутади: улар олд бўлак, енгларда, қайтарма кокеткаларда жойлаштирилади. Уларнинг жойлаштирилиши кириш қулайлигини кўзда тутиши шарт.
Бир қаватли ва қайтарма, тугмалар, кнопкалар, молнияларга тақилувчи манжетлар. Спорт услубидаги деталлар декоратив бахяқатор билан, баъзан бир неча қаторлаб безатилади.
Аёлларга хос услуб деталлар оригиналлиги ва «қўрқмаслиги», шаклларнинг ғайриоддийлиги ва декор нозиклиги билан ажралиб туради. Чўнтаклар айни пайтда безак элементи бўлиб хизмат қиладиган жойлардагина жойлашади. Маҳсулотда улар одатда кам, бироқ улар композиция акценти бўлиши керак. Уларнинг безатилиши турлича: мураккаб кесик шакллар, мураккаб ички ишланма, оригинал безак ва кашта. Манжетлар тор ва кенг, баъзан тирсаккача етувчи, қўлга ёпишиб турувчи, илмоқ ва тугмалар ёки молнияларга тақилувчи бўлади. Безатишда тўрлар ёки каштадан фойдаланиш мумкин. Уланиб тикилган манжетлар устидан кўпинча оқ ечиб олинувчи, ҳамда пардозлаш билан безатилган манжетлар таклиф этилади.
Маҳсулотга керакли детални танлаш уни тўғри безатиш, керакли услубда сақлашни англатади. Фантазиянгиз кийимда ортиқчаликка ва кераксиз дабдабага олиб келмаслигини ҳаракат қилинг.