Кийимни моделлаштириш ва бадиий безаш

Кенгайтирилган юбкалар
Бу ҳар қандай фигура учун юбкалар. Уларда паст чизиғи виточкалар чуқурлигига кенгайтирилган. Бу кенгайтириш ҳар бир фигура учун индивидуал бўлади, чунки виточка чуқурлиги бел ва бўксалар орасидаги фарққа боғлиқ.
Ён чоклар билан кенгайтирилган юбка (1.67, 1.68-расмлар). Андазани тайёрлаш учун юбка база асосининг олд бўлаги виточка охиридан паст чизиғигача ўрта чокка параллел ўтказилган вертикал чизиқ бўйича кесилади (1.68-расм, а). Шакл пастки қисмларини суриб виточка шундай ёпиладики, улар текисликка текис ётсин (в). Худди шундай белгиланган вертикал чизиқ бўйича орқа бўлак ҳам сурилади (б,г). Бунда юбка пасти бўйича орқа бўлак қисмлари ўртасидаги масофа олд бўлакда ҳосил қилинган масофага тенг бўлиши керак.

1.67-расм. Ён чоклар билан кенгайтирилган асосдаги юбка вариантлари

1.68-расм. Ён чоклар билан кенгайтирилган юбка андазаси:
а, б – кенгайтириш чизиғини солиш; в,г – бўлакларни паст бўйича суриш

Кўпроқ кенгайтириш ҳолида олд бўлак виточкаси икки томонга сурилади, орқа бўлак виточкаси эса бутунлай йўқолгунча кичраяверади.

Ён чоклар бўйича кенгайтирилган юбкани турли кўриниш ва конфигурацияли чўнтаклар билан безатиш мумкин. Бўксалар чизиғини устга қўйиб тикилувчи чўнтаклар билан айланма шакл бериш мумкин, вертикал жойлашган кесик чўнтаклар билан эса оптик торайтириш мумкин.
1.67-расмда ён чоклар билан кенгайтирилган юбка асосида ишланган моделлар берилган.
Годе понали юбкалар. Годе – юбка пастки қисмига асосий деталлар ўртасига ёки бутун бўлак кесикларида қўйилган газлама поналари бўлиб, улар ҳисобига найсимон бурмалар ҳосил бўлади. Поналар бурчаги 30⁰ дан 180⁰ гача ўзгариши мумкин, шунга мувофиқ пона катталиги ҳам ўзгаради. Пона радиуси унинг асосий деталларга улаб кўклаш баландлигига боғлиқ бўлади. Бу катталик доимий эмас. Пона калта – юбка пастидан 15-20 см, ёки баланд – бўксалар чизиғидан 5-10 см пастгача бўлиши мумкин. Понани улаб кўклаш баландлиги ушбу вақтда мода йўналиши ва фигура хусусиятларига боғлиқ (1.70-расм).
Годени безаш турлича бўлиши мумкин: уни юмшоқ найсимон бурма кўринишида бажариш, гофрилаш, рўпара ёки елпиғичсимон тахлама каби ётқизиш мумкин.
Годе ёрдамида ўткир силуэт шакл яратиш мумкин. Кескин кенгайтирилган юбка моделларини фақат баланд ва келишган аёлларгагина тавсия қилиш мумкин. Тўлиқ аёлларга анча меъёрланган кенгайишли бўксалар чизиғидан силлиқ ўтувчи юбкалар тавсия этилади. Фақат баланд ва келишганларга паст годе, чунки у юқори қисмда юбканинг зич ёпишиб туришини кўзда тутади.
Годе таъсирли моделни юбка асосий деталлари билан бирга бичилган поналар ҳисобига ҳам яратиш мумкин. Кейинчалик бу бичимни шартли яхлит бичилган годе деб атаймиз. Бундай годе тўғри икки чокли юбка асосида қурилади (1.69-расм). Қоғозда юбка олд ва орқа бўлаклари деталлари жойлаштирилади. Улар шундай жойлаштирилиши керакки, олд ўртаси ва орқа чизиқлари параллел бўлсин, ён кесиклар эса бўксалар чизиғида қўшилсин. Дастлаб ён чокларсиз тўртчокли юбка яхлит бичилган годе тузилишини кўриб чиқамиз.
Ҳосил қилинган чизмада виточкалар учидан орқа ва олд ўрта чизиқларига параллел вертикаллар туширилади. Улар олд ва орқа деталларини қисмларга ажратади.
Андаза кесиб олинади ва у фақат вертикаллар бўйича кесилади. Янги қоғозда горизонтал чизиқ ўтказилади ва кесилган қисмларни ўртасида 60-80 см масофа билан кетма-кетликда жойлаштирилади, бўксалар чизиғи горизонтал чизиқ билан қўшилади. Кенгайтириш бошланиши ва годени улаб кўклаш нуқталари бўксалар чизиғидан 5-10 см пастда жойлашган (1.70-расм, а).

1.69-расм. Годе шаклини ясаш учун тўғри икки чокли юбка асоси андазасини тайёрлаш

1.70-расм. Годе улаб кўкланувчи понали тўртчокли юбка андазаси:
а – поналарни кўклаб улаш даражаси; б – годе поналари бўлиши мумкин бўлган катталиклари
Бу нуқталарни вертикалларда белгилаб, улар орқали бўксалар чизиғига параллел горизонтал ўтказилади. Вертикалларнинг горизонтал билан юбка пастигача масофага тенг радиус билан кесилиб ўтиш нуқталаридан горизонтал билан кесиб ўтишгача ёйлар ўтказилади (1.70-расм, б).
Вертикаллар, горизонтал ва ёйлар ўртасига олинган жойлар айлана 14 га тенг яхлит бичилган годе бўлади. Яхлит бичилган годе олти ва саккизчокли юбкада худди шундай ясалади.
Деталлар ён кесикларига эътибор берилса; улар тўғри бурчак ҳосил қилиши кўринади, бу чокни кўклаб улашда жуда ноқулай. Шунинг учун бурчакларни силлиқ чизиқ билан айлантириш мумкин (1.71-расм, а).
Бундай турдаги яхлит бичилган годе бошқа кўп вариантларнинг фақат биридир. Бу вариантларни яхлит бичилган годе кенглигини камайтириш ҳисобига ҳам, унинг баландлигини ўзгартириш ҳисобига ҳам ҳосил қилиш мумкин (1.72-расм, б).

1.71-расм, а. Айлана 14 га тенг яхлит бичилган годели тўртчокли юбка андазаси

1.71-расм, б. Яхлит бичилган годе вариантлари (кенглик ва баландликни камайтириш)

Юбка кўпчокли бўлиб, унинг деталлари ўзаро тенг бўлса, яхлитбичилган годе деталларнинг бирида қурилади (1.72-расм). Тузилиш аниқлигини текшириш учун қўшни деталларни бир-бири устига қўйиш ва керак бўлса, бел ва паст чизиғини текислаш керак.

1.72-расм. Кўпчокли юбкада годе вариантлари



1.73-расм. Годе таъсирли юбка вариантлари:
а – поналарни бир текис жойлашуви; б – олд ва орқа бўлак ўрталарида гуруҳли жойлашган; в – бутун бўлакларга кўклаб уланган годели; г – бир годе понали (гофриланган)

Годе поналарни юбка атрофида бир текис жойлаштириш шарт эмас (1.73-расм, а). Фигурани кенгайтириш керак бўлмаса, поналарни ён чоклар бўйича қўймаслик, олд ва орқа бўлаклар бўртмалари билан чекланиш мумкин. Таъсирни кучайтириш учун вертикал чизиқлар ўтказиб юбка олд ва орқа бўлаклари ўрта поналарини қўшимча тенг бўлинади ва уларга ҳам годе поналари қўйилади (1.73-расм, б). Бу ҳолда бел чизиғи бўйича виточкалар очилишини бўртмалар бўйича бир текис тақсимлаш мумкин.

Ҳар бир детал бир томондан бутун бичилган годе, бошқа томондан эса пастга қараб катта бўлмаган кенгайтиришли асимметрик яхлит бичилган годе варианти жуда қизиқ (1.74-расм).

1.74-расм. Асимметрик яхлит бичилган годели юбка поналари чизмалари

Йўл-йўл ёки катакчали газламалардан юбкаларда поналарни бутун бўлаклар пасти бўйича кўклаб улаш мумкин. Бу ҳолда поналар жойлашуви кўзда тутилган жойларда поналар баландлигига тенг кесиклар қилинади. Бунда юбка бўйлама ип бўйича бичилган бўлса, годе понаси қия бичилиши мумкин (1.73-расм, в).

Тор тўғри ёки пасти торайтирилган юбкада исталган чокда симметрик ёки асимметрик жойлашган фақат битта годе пона бўлиши мумкин (1.73-расм, г).
Шакл кўпроқ таъсирли бўлиши учун годе поналари устидан юбкани ҳамма кесиклар бўйича бир текис 0,5-1,5 см га торайтириш мумкин, шунда у ҳаракатда фигура контурларини кўпроқ намоён қилади.
Годе бичими кўпроқ енгил ипак газламадан тантанали моделлар учун қўлланади. Годе вариантларини танлашда модел вазифаси, газлама хусусиятлари, бўй ва ўлчамни ҳисобга олиш шарт.