|
1.2. Мос база асосини танлаш
Фигурани ўлчаш. Яхши ётувчи кийимнинг асосий шарти фигурани аниқ ўлчамларини олиш асосида амалга оширилувчи аниқ бичишдир.
Пропорционал гавда тузилишли аёлларда кийим тайёрлаш билан муаммолар пайдо бўлмайди, улар мода журналларида берилувчи андазалардан бемалол фойдаланишлари мумкин. Фигураси меъёрлардан маълум оғишларга эга бўлган кишиларга қийинроқ. Бу ҳолда фигурадан ўлчамлар асосида меъёрдан оғишларни ҳисобга олга ҳолда конструкция чизмасини туза олиш ёрдам беради.
Фигуранинг ҳамма хусусиятларини ҳисобга олиш учун ҳамма ўлчамларни диққат билан, катта аниқликларда олиш зарур. Ўлчамлар ички кийим устидан олинади, сантиметр тасмаси ортиқча тортилмайди ва бўшатилмайди.
«Фигура» тушунчасига шундай омиллар киради: қомат (гавда ҳолати, елкалар баландлиги), бўйин орқа, кўкрак қафаси шакли, кўкрак безлари ўлчами ва ҳолати, бел, қорин, бўксалар шакли, семизлик даражаси, гавда пропорциялари ва ҳоказо. Фигура тузилиши хусусиятларини ўлчамлар олиш жараёнида аниқланиши нафақат аниқ конструкция олишга, балки маҳсулот шакли ва фасонини тўғри танлашга ҳам ёрдам беради. Модел шакли ички кийим (бюстгалтер ва белбоғ ичи) дан ҳам боғлиқлигини ҳисобга олиш зарур, кўпинча аёллар бунга эътибор бермайди.
Чизмани тузиш ва андаза тайёрлаш учун қуйидаги ўлчамлари керак:
Р – Б – бўй
О – А – тўлиқ айлана, қамраш
С –ЯА - ярим айлана, қамраш
Ш – К – кенглик
Д – У – узунлик, масофа
В – Б – баландлик
Ц – М – марказлар орасидаги масофа.
Тўлиқ айлана, узунлик, елка баландлиги ва кенглиги катталик ўлчамлари тўлиқ ёзилади, яримайланалар, кенгликлар эса – яримўлчамда ёзилади, чунки чизма одатда маҳсулот ярмига ясалади.
Кейин ўлчамларни оламиз (1.14-расм).
Р (Б) – бўй вертикал бўйлаб полдан бошнинг устки нуқтасигача масофа ўлчанади.
1.14-расм. Олд, орқа ва енгни ўлчаш
Сш (Сб) – бўйин яримайланаси.
Сантиметр тасмаси бўйин асоси бўйлаб, орқадан еттинчи умуртқа ўткир бўртмаси устидан, ён ва олдиндан бўйин асоси бўйлаб ва бўйин чуқурчасида тугаши керак.
Сг I (Ск I) – биринчи кўкрак яримайланаси. Сантиметр тасмаси орқа томондан горизонтал, устки чети қўлтиқости чуқурлар орқа бурчакларига тегилиб, олдиндан – кўкрак безлари асоси устидан ўтиши керак.
Сг II (Cк II) – иккинчи кўкрак яримайланаси. Сантиметр тасмаси гавда атрофидан устки чети қўлтиқости чуқурларнинг орқа бурчагига, олдиндан кўкрак безларининг чиқиб турувчи нуқталари бўйлаб ўтиши керак. Кўкрак безлари пастга тушиб турувчи фигураларни ўлчашда сантиметр тасмасини олдиндан кўкрак чиқиши учун ҳақ қўйишни ҳисобга олган ҳолда горизонтал жойлаштириш зарур.
Сг III (Cк III) – учинчи кўкрак яримайланаси. Горизонтал бўйлаб гавда атрофида чиқиб турувчи кукрак безлари нуқталари орқали ўлчанади.
Ст (Сб) – бел яримайланаси. Бел чизиғи даражасида гавда атрофида горизонтал бўйлаб ўлчанади.
Сб (Сбў) – бўксалар яримайланаси. Горизонтал бўйлаб энг чиқиб турувчи думба нуқталари бўйича, олдинда - қорин чиқиб туришини ҳисобга олган ҳолда ўлчанади.
Шг I (Кк I) – биринчи кўкрак кенглиги. Горизонтал бўйлаб кўкрак безлари асоси устидан қўлтиқости чуқурларининг одинги бурчакларидан хаёлан юқорига ўтказилган вертикаллар орасидан ўлчанади.
Шг II (Кк II) – иккинчи кўкрак кенглиги. Горизонтал бўйлаб қўлтиқости чуқурларининг олдинги бурчакларидан пастга хаёлан ўтказилган вертикалларгача чиқиб турувчи кўкрак безлари нуқталари орқали ўлчанади.
Дтс II (Уборц II) – иккинчи белгача орқа узунлиги. Бел чизиғидан бўйин асоси олдида лойиҳалаштирилувчи чок юқори нуқтасигача ўлчанади.
Дтп II (Уболд II) – белгача олд узунлиги. Бўйин асоси олдида лойиҳалаштирилувчи елка чоки энг юқори нуқтасидан бел чизиғигача чиқиб турувчи кўкрак безлари нуқтаси орқали ўлчанади.
Вг II (Бк II) – иккинчи кўкрак баландлиги. Бўйин асоси олдида лойиҳалаштирилувчи елка чоки юқори нуқтасидан кўкрак бези марказигача ўлчанади.
Впрз II (Бқчорқ II) - қўлтиқости чуқурлари орқа бурчаги баландлиги. Бўйин олдида лойиҳалаштирувчи елка чоки юқори нуқтасидан умуртқага параллел қўлтиқ ости чуқурлар орқа бурчаклари даражасида ўтувчи горизонтал бўйича ўлчанади.
Впк II (БеэII) – елка баландлиги эгри. Бел чизиғининг умуртқа билан кесиб ўтиш нуқтасидан лойиҳалаштирилувчи елка чоки охирги нуқтасигача ўлчанади (сантиметр тасмаси тортиб турилади).
Цг (Цк) – эмчак нуқталари орасидаги масофа. Кўкрак безларининг чиқиб турувчи нуқталари ўртасидаги горизонтал бўйича ўлчанади.
Шс (Ко) – орқа кенглиги. Сантиметр тасмаси кураклар бўйлаб горизонтал қўлтиқости чуқурлар орқа бурчаклари ўртасидан ўтиши керак.
Ди (Ум) – маҳсулот узунлиги. Орқа ўртасида ёқа уланиш чизиғидан исталган узунлик даражасигача ўлчанади.
Шп (Ке) – елка қияланиш кенглиги. Бўйин асоси олдида лойиҳаланаётган елка чоки юқори нуқтасидан унинг охирги нуқтасигача ўлчанади.
Др (Уе) – енг узунлиги. Лойиҳаланаётган елка чоки охирги нуқтасидан елка ва елка олдининг ташқи юзаси бўйлаб исталган узунлик даражасигача ўлчанади.
Оп (Ае) – елка айланаси. Эркин туширилган қўлларда елка ўқига перпендикуляр сантиметр тасмаси устки чети билан қўлтиқости чуқурнинг орқа бурчагига тегиб ўлчанади.
1.1-жадвал
Do'stlaringiz bilan baham: |
