Кичик гуруҳ (3-4 ёш)

Транспорт воситалари. Болаларни худуддаги транспорт воситалари билан 
таништириш, улардан фойдаланиш қонун - қоидалари ҳақида маълумот бериш. 
Жамоат транспорти (автобус, трамвай, троллейбус, поезд, самолёт, юк машиналари) 
турлари ҳақидаги билимларини кенгайтириш ва чуқурлаштириш, уларни номини айтиш ва 
ҳаракат муҳитига (ер, осмон, сув) ва вазифаларига (юк, йўловчи) кўра фарқлашга ўргатиш. 
Транспорт воситаларини бошқарувчи касб эгалари ҳақида қисқача тушунча бериш 
(ҳайдовчи, учувчи, денгизчи ва ҳ.к.). 
Йўл ҳаракати қоидалари билан таништиришни давом эттириш. Светофор ва унинг 
вазифаси ҳақида тасаввур ҳосил қилиш. 
Буюмлар ҳақида. Теварак-атрофдаги буюм ва хом-ашъёлар, уларнинг хилма хил 
сифатларига эътиборни жалб қилиш, қаттиқ ва юмшоқ буюмлар ҳақида тасаввур ҳосил 
қилиш.
Уй-рўзғор буюмларининг шакли ва ранги, эстетик сифатларига (гилам, кўрпа, тўшак, 
кўрпача, ёстиқ, чойшаб), қаттиқ буюмлар ва уларнинг сифатлари ҳақидаги тасаввурларини 
шакллантириш. Буюмларни умумлаштириш, масалан: чой идишлари(чойнак, пиёла, патнис, 
ликопча), ошхона буюмлари(чўмич, капкир, қозон, коса, пичоқ, това, челак, чойнак, лаган, 
товоқ, тоғорача, жува), фарқлаш, бир турдаги буюмларни гуруҳлаш, жуфтлаш кўникмасини 
шакллантириш. 
Устки кийимлар. Кийимлар, устки кийимлар (атлас кўйлак, яхтак, чопон), бош 
кийимлар (рўмол, телпак, дўппи, қалпоқ), пойафзал (туфли, этик, шиппак) турлари ҳақидаги 
тасаввурларини аниқлаш ва кенгайтириш.
Бола ўз танасининг қисмларини ўрганади. 
 
Болага ўзининг кўринишини таърифлаб беришга, ички органлар (юрак), тирсак, ияк, 
елка, каби мураккаб қисмлар қаерда жойлашганлигини кўрсатишга ўргатиш. Одам шаклини 
чизишга ўргатиш.  
Ўқув йили охирида бола: 
- ўзи туғилиб ўсган кўча, қишлоқ ёки шаҳарнинг номи, маҳалласи; 
- ўз исм-шарифи, ота-онасининг исми 
- Алишер Навоийнинг болалиги ҳақидаги ривоятлар; 
- байрамлар ҳақида тасаввурга эга бўлиши «Наврўз», «Меҳржон» байрамлари ва 
уларнинг ҳусусиятлари ҳақида маълумот, катталар меҳнатлари ҳақида 
тасаввурларга эга бўлишлари; 

---

60 
- транспорт ва ундан фойдаланиш, кўча ҳаракати қоидалари; 
- кундалик ҳаётда ишлатиладиган буюмлар ва уларнинг вазифаларини билишлари 
керак;