Кичик гуруҳ (3-4 ёш)

Геометрик шакллар. Доира, квадрат, учбурчак шаклларини бир-биридан фарқлашни 
мустаҳкамлаш. 
Тўғри тўртбурчак шакли билан таништириш, тўғри тўртбурчак-квадратни фарқлаш ва 
айтишни, уларни сезиш - ҳаракат ва кўриш усуллари орқали ўрганиш. 
Овал шакли билан таништириш, доира, овални фарқлаш ва айтишни, уларни сезиш - 
ҳаракат ва кўриш усуллари орқали ўргатиш. 
Куб, шар, цилиндр каби шаклларнинг номини айтиш ва бир-биридан фарқлашни 
ўрганиш. 
Шакллар ҳар хил ўлчамда бўлиши мумкинлиги ҳақида тасаввур ҳосил қилиш (катта 
доира - кичик доира, катта квадрат – кичик квадрат). 
Таёқчалардан тўғри тўртбурчак, квадрат, учбурчак ясашга, бу шакллардан 
фойдаланиб турли нарсалар ясашни ўргатиш. 
Теварак- атрофда мўлжал олиш. Нарсаларни ўнг қўл билан чапдан ўнгга қараб 
териш кўникмасини мустаҳкамлаш. 
У ёки бу предметнинг ўзига нисбатан жойлашувини сўз билан ифодалашни ўргатиш 
(олдимда - стол, орқамда – шкаф, пастда – пол, юқорида – шип, ўнг томонимда – дераза, чап 
томонимда - эшик, шкаф – узоқда, стул - яқинда ). 
Болаларга берилган йўналишда (олдинга-орқага, ўнгга-чапга) ҳаракат қилишни 
ўргатиш. 
Вақтни чамалаш. Болаларнинг кун - тун ҳақидаги тасаввурларини аниқлаш, вақтни 
ифодаловчи кун - тун сўзларини нутқда тўғри қўллашга ўргатиш асосида вақт ҳақида 
тасаввурларини мустаҳкамлаш.
Болаларнинг сутка қисмлари ҳақидаги тасаввурларни аниқлаш (кечаси, кундузи, 
эрталаб, кечқурун) ва мустаҳкамлаш. 
“Кеча”, “Бугун”, “Эртага” тушунчаларини фарқлаш ва бу сўзлардан тўғри 
фойдаланишни ўргатиш. 
Ҳаракат тарзини ифодаловчи сўзларни (тез, секин) ўргатишни давом эттириш. 
Қуриш-ясаш 
Болаларга содда воқеабанд ўйин масалаларини лойиҳалаб оддий қурилмаларни: 
“лего” туридаги ўйин бўлакларидан моделлар йиғишни, 6-8 та қисмлардан пазллар 
ясашни, қоғоздан буклаш йўли (оригами) орқали содда шаклларни ясашни ўргатиш.