Кичик гуруҳ (3-4 ёш)

Безакли расмлар. Эстетик идрокни шакллантириш ва ривожлантириш учун халқ 
усталари (Ҳамро буви) томонидан ясалган ўйинчоқлардан фойдаланиш зарур. Болаларни 
эстетик идрокни ривожлантиришга қаратилган нақшлар яратишга ўргатиш учун намуна 
сифатида халқ усталари (Ҳамро буви) яратган ўйинчоқлардан фойдаланиш лозим (нақш 
ўрнида қоғоздан қирқиб олинган, болалар томонидан лойдан ясалган ўйинчоқ 
силуэтларидан фойдаланиш мумкин. Болаларни миллий матолар – беқасам, хонатлас, адрас 
билан таништириш. Миллий матоларда ўз аксини топган ўзбекона анъаналар, уларга хос 
ранглар, ранглар уйғунлигини таъкидлаб кўрсатиш, мазкур рангларнинг қандай аталиши, 
элементлари ҳақида маълумот бериш. Кундалик турмушда кенг ишлатиладиган буюмлар 
(тақсимча, товоқча, гиламча) кўринишида ишланган нарсалар шакли ичига нақшлар тўқиш, 
шунингдек, нақшларни доира, тўртбурчак шаклида яратиш. 
Пластилин (лой) билан ишлаш. Пластик материаллардан нарса ясашга нисбатан 
болаларда барқарор қизиқишларни шакллантириш, уларда пластик материаллардан нарса 
ясаш техникаси ва лойларнинг хусусиятлари ҳақида аввал ўзлаштирилган билимларни 
мустаҳкамлаш (доира ҳаракат орқали кафт орасида лой бўлагини яссилаш, ҳосил бўлган 
шаклдан узук ясаш, болаларда ясалган нарсаларни безаш истагини уйғотиш), икки қўл кафти 
билан эзғилаб, кафт орасида айлана ҳаракат орқали лойдан думалоқ, ясси шаклли сабзи, 
олма, бодринг, лимон кабиларни ясаш.
Бир неча қисмларни тўғри жойлаштириб, қисмлар тенглигига риоя қилган ҳолда, нарса 
ясаш; чимдиб ясаш усулини ўзлаштириш. 
Лойни ясси шаклига келтириб, енгил ҳаракат билан унинг зарур четларини чимдиб, 
майда деталларни ясаш (қуш тумшуғи, мушук қулоқлари каби); керакли жойларини 
силлиқлаш (печенье, кулча). 
Пластик материаллардан бир неча қисмли нарса ясаш, бунда ҳар бир қисм учун 
ажратиладиган пластик материалнинг етарлича бўлишига эътибор бериш (масалан, узун 
пўстин кийиб олган қизалоқ, қорқиз), пластик материалдан сюжетли тасвир яратиш (қуш дон 
чўқимоқда).
Доира шаклидаги лойни эзғилаб, ичи чуқур идишча (тақсимча, товоқ) ясаш усулларини 
ўргатиш. 

---

64 
Характерли белгиларни бўрттириб тасвирлаш, шунингдек, безакли қисмлар (қанот, пат, 
пластик материалдан ясалган нақшлар билан безаш) кабиларда болаларни ҳайкалтарошлик 
қаламини ишлатишга ўргатиш. 
Болаларнинг тасвирий ва техник билим ва кўникмаларини дастурнинг барча 
бўлимлари юзасидан ёрқин образларни тасвирлашга йўналтириш (нарса, сюжет ва нақш).