Кичик гуруҳ (3-4 ёш)

Расм чизиш. Расм чизишда айлана, ясси, тўғрибурчак ва учбурчакли шаклларга эга 
(мева ва сабзавотлар, ўйинчоқлар) расмини чизишга, расмда нарсаларни ягона горизонтал 
чизиқ бўйлаб тасвирланишига ёки қоғоз варағини тўлиқ эгаллашига, болаларни 
нарсаларнинг ҳажмини расмда тўғри ифодалашларига эришиш.
Ранг ва бўртма кўринишлар ҳақида болаларнинг билимларини кенгайтириш ва 
мустаҳкамлаш. Таниш рангларга қўшимча ранглар киритиш: тўқ сариқ, жигарранг, ҳаво 
ранг, пуштиранг, оч яшил ранг кабилар. Болаларни турли рангларни бир-бирига қўшиб, янги 
ранг ҳосил қилишга ўргатиш. Қалам, фломастер, мўйқалам кабилардан тўғри фойдаланишга 
ўргатишни давом эттириш, бўяш жараёнида мўйқаламни бир йўналишда текис юритишга 
ўргатиш (чапдан ўнгга, агар бола чапақай бўлса, аксинча, юқоридан пастга), расмларни 
қалам ва фломастер билан бўяш, уларни қоғоз устида енгил юритиш, бунда қоғоз 

---

63 
контуридан чиқиб кетмаслик, кенг чизиқларни мўйқаламда борича, тор чизиқ ва нуқталарни 
мўйқалам учида қўйишга ўргатиш. 
Уларга образга хос характер хусусиятларини кўрсатиш (пахмайган жўжа, зирҳли 
типратикан). Болаларни тўғри чизиқ, квадрат, айлана, тўғри бурчак (бурчакларга ва 
томонларга), тасма, квадрат, доира, тўғрибурчак (ўртаси, бурчак ва томонлари)га, ритмик 
изчиллиги ва симметриясига риоя қилган ҳолда, нақш элементлари чизишга ўргатиш. 
Борлиқнинг турли ҳодисаларини тасвирлаш (хазонрезги, қорбўрон), ранглар ҳақидаги 
билимларига асосланиб, қисмлардан муайян нарса тузиш ва бўяш кўникмаларини 
шакллантириш (янги йил арчаси, байрамона безатилган уй). 
Расм ва иллюстрациялар кўрсатиш орқали болаларнинг нарсалар эстетик сифатлари 
ҳақида тасаввурларини кенгайтириш. 
Болаларнинг турмушдаги мавжуд нарсаларни (таом, коса, рўмол, гиламчани) 
ифодаловчи силуэтлардан нақшлар тузиш кўникмаларини ривожлантириш. 
Болаларга нарсалар ва персонажларнинг шакли, ўзига хос хусусиятлари, шаклан турли-
туманлиги, қоғоз варағи юзасида жойлаштирилишини ўргатиш. Ушбу нарсаларнинг ягона 
мазмунга қамраб олиниши, нарса ва ҳодисаларнинг ифодали тасвирланишига эришиш (уйда 
шамлар ёнмоқда, балиқлар сузиб юрибди). 
Безакли композициялар тузишда рангларнинг тўғри уйғунлаштирилишига эришиш 
(қўғирчоқни чиройли куйлак ва янги рўмол билан ясантирамиз). 
Дастур бўлимлари бўйича олинган билимлардан фойдаланиш ва ушбу билимларни 
расмлар орқали ўз таассуротларини ифодалашда қўллаш.