Кичик гуруҳ (3-4 ёш)

Атроф олам тўғрисидаги билимга эга бўлиш ва уни англаш 
Она Ватан ва атроф-олам. Болаларда туғилиб ўсган жойларига муҳаббат уйғотиш. Ўз 
шаҳар, қишлоқ, маҳалла ва кўчаси ҳақидаги билимларини кенгайтириш. Яшаш жойидаги 
меъморчилик ёдгорликлари, чиройли қурилишларга қизиқиш уйғотиш, уларнинг номларини 
тўлиқ айтишга ўргатиш. 
Болаларнинг ўзлари яшаётган кўча, маҳалла, туман ва вилоятни номлашга 
одатлантириш. Уларнинг ўз исми шарифини, ота-онасининг исмларини билишларига 
эришиш. 
Болаларда уларнинг умумий Ватани - Ўзбекистон ҳақида тасаввур уйғотиш.
Болаларга “Конституция сабоқлари” асосида илк тушунчалар бериш. 
Буюк сиймолар. Халқимизнинг Алишер Навоий ва Заҳириддин Муҳаммад Бобур 
сингари машҳур кишилари ҳақида маълумот бериш ва улардан фахрланиш туйғусини 
уйғотиш, Навоийнинг болалиги ҳақида ривоятлар айтиб бериш. 
Ҳосил байрами “Меҳржон” деб номланиши ҳақида қисқача сўзлаб бериш. Бу байрам 
ҳар йили куз фаслида ўтказилиши, унда дала меҳнаткашларининг меҳнат натижалари кўз-кўз 

---

59 
қилиниши, ҳар хил кўргазмалар, савдолар ташкил этилиши, ўйин-кулгу хурсандчиликда 
байрам нишонланиши ва унда қовун, узум сайли ўтказилиши ҳақида сўзлаб бериш.
Болаларнинг диққат эътиборини ҳарбийларга жалб қилиш. Болалар маънавиятига 
ҳарбий ватанпарварлик ҳиссини сингдириш. Ҳарбийлар  касби билан таништириш. 
Болаларни ўзбек халқининг миллий байрамлари билан таништириш, “Наврўз” 
ҳалқимизнинг қадимий байрамларидан бири эканлиги, уни катталар ҳам, болалар ҳам байрам 
қилишлари ҳақида тушунча бериш. Байрамда сумалак, ҳалим, кўк сомса, чучваралар 
пиширилиши, уни қандай нишонланиши ҳақида маълумот бериш. 
Миллий қадриятлар, урф-одатларимизни улуғлаш, унинг қадрига етиш туйғусини 
такомиллаштириш. 
Катталар меҳнати. Болаларда катталар меҳнатига ҳурмат ва қизиқиш ҳиссини 
тарбиялаш. Ўзбек халқининг миллий ҳунармандчилик меҳнати- дурадгорлик билан 
таништириш. 
Деҳқон меҳнати ҳақида қисқача маълумот бериш.
Болаларда ўз тарбиячиси ва бошқалар меҳнати ҳақидаги тушунчаларини кенгайтириш. 
Болаларни катталар меҳнати билан таништириш жараёнида уларда инсон ва унинг 
меҳнатига ҳурмат ҳиссини шакллантиришга эътиборни кучайтириш.