Кичик гуруҳ (3-4 ёш)

Мусиқий-ритмик ҳаракатлар. Тўп бўлиб юриш, турган жойларида юриш (“Марш” 
Э.Парлов), енгил югуриш (“Чумчуқлар” венгер халқ куйи). 
2-3 оддий ва содда образли элементларини таққослаб бажаришга ўргатиш турган 
жойида айланиш, қўл ушлашиб айланиш. 

---

25 
Енгил югуриш, юриш ва югуриш вақтида икки қўлни белга қўйиш, чапак чалиш, 
қўлларни олдинга ва икки ёнга узатиб, кафтларини айлантириш, тиззаларини ярим букиб 
ўтириб-туриш (пружинка) каби ҳаракатларни мусиқа остида бажаришга ўргатиш.
Байроқча, шиқилдоқча, ўйинчоқларни ушлаб, мусиқа остида юқорига кўтариш, пастга 
тушириш, силкитиш, айлантириш.
Мусиқий таълимий ўйин. Болаларга таниш бўлган кичик образли ҳаракатларни 
(қуёнчалар сакряпти, мушукча ўйнаяпти, айиқ полвон юряпти, сичқонча югуряпти ва ҳ.к.) 
бажариш. Ҳаракатли ўйинлар ўйнатиш. 
Мусиқий-таълимий ўйинлардан диққатни жамловчи, товушларнинг баландлиги ва 
регистр хусусиятларига кўра фарқлаш, мусиқа асарининг кайфияти ҳамда темпини 
фарқлашга ўргатувчи ўйинларни ўйнаш. Масалан: “Ким куйлаётганини топ”, “Қўғирчоқ 
нима қилаяпти?”, “Паст-баланд” Е.Тиличеева, “Ким бу” “Айиқчам” Ғ. Кодиров”. 
Жониворлар ҳақидаги қўшиқларга жўр қилиб қушча, айиқча, жўжалар, мушукча ва 
кучукча каби ўйинчоқларни ўйнатиш. Ўз ҳаракатларини мусиқа билан боғлай олиш. 
Болалар чолғу асбоби билан таништириш. Болалар чолғуларидан қўнғироқча, 
шиқилдоқча билан таништириш. Уларда чалиш усулларини кўрсатиш. . 
Ўқув йили охирида бола: 
- шиқилдоқча, қўнғирокча каби болалар чолғуларини фарқлайди; 
- катталарга жўр бўлиб қўшиқнинг айрим сўзларини куйлайди; 
- ашула ва ўйинларда болалар чолғулари, ўйинчоқларни қўллайди; 
- катталарга эргашиб рақс тушади; 
- катталар ёрдамида турли образли ҳаракатларни ифода эта олади;
- мусиқа бошланишига ва тугалланишига қараб ҳаракатларини бошлайди ва 
тугаллайди; 
- катталарга эргашиб мусиқа остида чапак чалиш, қўлларни ўйнатиш, 
тиззаларни ярим букиб ўтириб туриш, қўлларни ушлаб жуфт бўлиб айланиш, 
бир оёқни тўпиллатиш каби ҳаракатларни бажаради.