Кичик гуруҳ (3-4 ёш)

 
Жисмоний ривожланиш 
Бола ҳаракатларининг шаклланишига ёрдам бериш, гавдасини тик тутишга ўргатиш. 
Болаларни мустақил ўйнаётган пайтларидаги ҳаракатлари фаоллигининг барқарорлашувига 
ёрдам бериш. Тарбиячи томонидан кўрсатилаётган турли ҳаракатларга боланинг тушуниб 
боришига ва биргаликда ҳаракат қилишга ундаш. Шу билан бирга бола диққатини 
атрофдагилар ҳаракатига қаратиш. Болаларни турган жойда сакрашга икки оёқни жуфтлаб 
сакрашга ва енгил тушишга ўргатиш. Эмаклашга, тирмашиб чиқишга тўп билан ҳаракат 
қилишга, думалатиш, улоқтиришга ўргатиш. Болаларда эрталабки бадантарбияга нисбатан 
қизиқиш, ижобий муносабатларни уйғотиш ўйинларда иштирок этишга ўргатиш.
Асосий ҳаракатларга ўргатиш.
Юриш. Тўп-тўп бўлиб юришга, йўналишни ўзгартириб юришга, доира бўйлаб жуфт-
жуфт бўлиб қўл ушлашиб юришга, юришдан югуришга ўтишга, ён томонга юриш, кетма-кет 
юришга ўргатиш назарда тутилади.
Югуриш. Тарбиячининг орқасидан югуриш, думалатиб юборилган буюмни қувиб 
етиш, икки чизиқ орасидан чиқмай югуриш, 20-40 метр масофага ўртача тезликда, 70-80 
метрга аста секин югуришга ўргатиш назарда тутилади.
Сакраш. Икки оёқни жуфтлаб турган жойда сакраш, баландликка сакраш ҳамда 20-30 
см масофага ҳатлашга 10-15 см баландликдаги предметдан сакрашга, ўргатиш назарда 
тутилади. 
Думалатиш, ирғитиш, илиб олиш. Тўпни бир-бирига қаратиб думалатиш, тўпни икки 
қўллаб олдинга пастдан, кўкрак олдидан , бошидан ошириб отиш, 50-100 см оралиқдаги 
тўпни илиб олишга ҳаракат қилиш, шунингдек, тўп ёки қум халтачасини 1 м масофага бир 
қўллаб ўнг ёки чап қўл билан ирғитиш назарда тутилади.
Эмаклаш ва тирмашиш. 3-4 м масофага эмаклаш 30-40 см тўсиқ тагидан ўтиш, 
арқонли нарвонча, тик деворчадан бола учун қулай бўлган усулда юқорига тирмашиб 
чиқишга ўргатиш назарда тутилади.
Мувозанат сақлаш. Бунда тўғри йўлак бўйлаб юриш, эни 20 см, узунлиги 2-3 м, илон 
изи йўлакчадан, доира бўйлаб ташлаб қўйилган арқончадан қия тахтачадан юриш ёки 
эмаклаш, халқадан – халқага, доирадан-доирага ўтишга, шунингдек, 10-15 см баландликдаги 
тўсиқлардан ҳатлаб ўтишга, баландликда қўлларни ёнга қилиб туришга, айланишга, оёқ 
учида кўтарилишга ўргатиш назарда тутилади.