Кичик гуруҳ (3-4 ёш)

Тарбиячи суҳбат ва ўйинларида болада: 
- ўзининг ташқи қиёфасини (Мен кимман? Мен қанақаман?) изоҳлаш
малакасини шакллантириши; 
- ўзи ёқтирган нарсалар (Менга нима ёкади? Нима ёқмайди?) ҳақида гапириб 
беришга ундаши; 
- ўзи ва атрофдагиларнинг ҳиссий ҳолатларини ҳис қила билишни 
шакллантириши; 
- ўз-ўзини англаш қобилиятини шакллантириши лозим. 
Катталар билан мулоқот. Катталар билан мулоқотга кириша олиш, атрофидаги 
катталарга тақлид қилиш, катталарнинг саволларига жавоб бера олиш, катталар билан 
мулоқот қилишга истак билдириш, катталарнинг товушига қараб мақтовни ва танқидни 
фарқлаш, мулоқот қилиш истагининг яққол кўриниши, катталарни исми билан чақириш, 
Тенгдошлари билан мулоқот. Тенгдошлари билан қисқа вақт давомида ёнма-ён 
ўйнай олиш, ўйинда ташаббускорликни намоён қилиш, тенгдошлари билан мулоқотда ўз 
имкониятларига ишониш. 
“Мен” концепцияси ёки ўз-ўзини англаш: “Мен” тизимининг намоён бўлиши, ўзини 
кўзгуда таниш, ўз исмини билиш, кундалик ишларда ёрдам бериш (хонани йиғиштириш, 
телевизорни ўчириш). Бу тизимнинг шаклланиши болаларда ўз-ўзини баҳолаш ва у билан 
боғлиқ катталарнинг талаблари билан боғлиқ интилишнинг шаклланишига олиб келади. 
“Ҳиссий ифодалаш”. Боланинг ўз яқинларига муҳаббат ва меҳр кўрсата олиш (ўпади, 
қучоқлайди), катталарнинг ўзига нисбатан муносабатини ҳис этиш. 
 
 
Ўқув йили охирида бола: 
- саволга жавоб бера олади; 
- катталар ва тенгдошлари билан мулоқотга эҳтиёж сезади;
- тенгдошлари билан ўйнай олади; 
- ташаббускорлик, мустақилликни ўзида намоён эта бошлайди; 

---

33 
- ўз имкониятларига ишона бошлайди; 
- “Мен ўзим” тушунча пайдо бўлади; 
- бола яқин инсонларга муҳаббат ва меҳр кўрсата бошлайди (ўпади, 
қучоқлайди, кўриб, талпинади); 
- катталарнинг ўзига нисбатан муносабатини ҳис этади.