Кичик гуруҳ (3-4 ёш)

Ўқиш ва саводга тайёргарлик. “Сўз”, “Товуш” сўзларини тушунишга, ўйинларда ва 
амалий машқларда қўллашга ўргатишни давом этиш.
Оддий чизиқлар, илгаклар 
нусхаларини кўчиришга ўргатиш. 
Ўқув йили охирида бола: 
- болалар шошилмай, равон гапира олишлари; 
- тарбиячининг оддий саволларига жавоб бера олишлари (2-3 гап); 
- тарбиячи билан биргаликда таниш эртак, эрмак ва кичик шеърларни айта 
билишлари керак; 

---

35 
- тилдаги барча унли ва ундош товушларни тўғри талаффуз қила олишлари; 
- отларни келишик қўшимчалари билан тўғри турлаш, феълларни шахс-замонда 
тўғри туслаш; 
- жумлаларни тузиш, саволларга жавоб бериш, керак пайтда савол билан 
мурожаат қилиш; 
- китобга эҳтиёткорлик билан муносабатда бўлиш; 
- китобдаги расмларга қараб бадиий асарнинг мазмунини гапириб бериши; 
- асарнинг парчасини эшитганида унинг номини айтиши, асар мазмуни 
бўйича бериладиган саволларга жавоб бериши; 
- ҳаракатлар билан бажариладиган эрмакларни, қисқа шеърларни, эртак ва 
ҳикояларнинг мазмунини бузмай (тарбиячи билан бирга, мустақил ҳолда) 
такрорлаш каби кўникмаларига эга бўлиши; 
- болаларнинг ҳаётига яқин шеърларни, қушлар, ҳайвонлар, ўйинчоқлар 
ҳақидаги тўрт қатор шеърларни ёдлай олиши; 
- эртак ва ҳикояларни қизиқиб тинглай олиши, шеърий нутқдаги оҳангдорлик 
ва мусиқийликни ҳис этиши; 
- “Сўз”, “Товуш” сўзларини тушуниш, ўйинларда ва амалий машқларда 
қўллай олиш каби малакаларни эгаллаган бўлишлари керак. 
- Оддий чизиқлар, илгаклар нусхаларини кўчира олади. 
Билиш жараёни: Атроф олам тўғрисидаги
билимга эга бўлиш ва уни англаш 
Элементар математик билим ва кўникмалар 
Миқдор. Болаларга алоҳида предметлардан гуруҳ ҳосил қилишни (барча қизил, барча 
сариқ, барча юмалоқ ва бошқа предметларни гуруҳлаш), гуруҳдан бир предметни 
ажратишни, “кўп”, “битта” ни фарқлашни, хонада қайси предметлар кўп, қайси битталигини, 
“биттадан”, “битта ҳам” ибораларини тушунишни ўргатиш. 
Тўплам таркибига кирувчи предметларнинг миқдорига кўра гурухларнинг 
тенглиги ва тенг эмаслигини фарқлаш, бир предметни иккинчисининг устига ёки 
остига қўйиб таққослашни ўргатиш.
"Кўп", “кам” "тенг", "шунча" каби сўзларни тушуниш ва нутқда ўз ўрнида қўллашни, 
“қанча?” сўроғининг маъносини тушунишни ўргатиш. 
Теварак - атрофдан битта ва кўп предметларни топишга ўргатиш. 
2 гача санашга 2 та нарсаларнинг сонини айтишга ўргатиш. Масалан, “Бир, икки-
иккита ёнғоқ”, “Бир, икки-иккита олма. Икки дўстга иккита олма керак”.