Кичик гуруҳ (3-4 ёш)

Катталик. Болаларга предметларни катта-кичиклиги бўйича гуруҳларга ажратишни, 
бир турдаги предметлардан гуруҳ тузишни, “катта-кичик”лигини таққослаб аниқлашни 
ўргатиш. “Катта”, “кичик” сўзларининг маъносини тушунтириш. 
Кескин фарқ қилувчи ва бир хил ўлчамдаги икки предметнинг баландлиги ва энига 
кўра қиёслаш ҳамда қиёслаш натижаларини “баланд”, “паст”, “бир хил” сўзлари билан 
белгилаб айтишни ўргатиш. 
Предметларнинг ўлчамини аниқлашда ажратилган белгилари (“узун-калта”, “тор-кенг”) 
бўйича қиёслаб, устига ва ёнига қўйиш усулларидан фойдаланишни ўргатиш. 

---

36 
Катта-кичик, узун-калта, баланд-паст, тор-кенг сўзларининг маъносини тушуниш ва 
нутқда тўғри қўллашга ўргатиш. 
Геометрик шакл. Доирани таний олиш ва номини айтишни ўргатиш. Уни сезиш, 
ҳаракат ва кўриш йўллари билан текшириш усулларини ўргатиш. 
Квадрат билан таништириш. Доира, квадратни фарқлаш ва айтишни сезиш, ҳаракат ва 
кўриш усуллари орқали ўргатиш. 
Болаларга шар ва куб ҳақида тушунча бериш. 
Турли топшириқлар ёрдамида шар ва куб ҳақидаги билимларни мустаҳкамлаш.
Учбурчакни таний олиш ва номини айтишни ўргатиш. Уни сезиш, ҳаракат ва кўриш 
йўллари билан текшириш усулларини ўргатиш. 
Теварак-атрофда мўлжал олиш. Ўнг ва чап қўлни фарқлай олиш ва айтишни, 
предмет (ўйинчоқ) ларни ўнг қўл билан чапдан ўнгга қўйишни ўргатиш. 
Болаларни предметларнинг ўзига нисбатан жойлашишини аниқлашга, “яқин-узоқ”, 
“тепада-пастда”, “орқада-олдинда” сўзларни айтишга ва нутқда тўғри қўллашга 
ўргатиш. 
Вақтни чамалаш. Болаларга сутка қисмлари (эрталаб, кундузи, кечқурун, тун) ни
айтишни ўргатиш ҳамда фарқлаш кўникмасини таркиб топтириш. 
Қуриш-ясаш. Болаларга содда воқеабанд ўйин масалаларини лойиҳалаб оддий 
қурилмаларни: “лего” туридаги ўйин бўлакларидан моделлар йиғишни, 3-4 та 
қисмлардан пазллар ясашни, қоғоздан буклаш йўли орқали содда шаклларни ясашни
ўргатиш.