Кичик гуруҳ (3-4 ёш)

Катталар меҳнати. Болалар мактабгача таълим муассасаси ходимлари (энага, ошпаз, 
қоровул, ҳамшира ва ҳ.к.)нинг меҳнати ҳақидаги тасаввурларини бойитиш. Уларнинг меҳнат 
жараёнлари (энага хонани тозалайди, идиш-товоқларни, деразаларни ювади, сочиқларни 
алмаштиради, овқат келтиради, болаларнинг кийинишларига ёрдам беради ва ҳ.к) билан 
таништириш. Болаларда катталарнинг меҳнати натижаларини ҳурмат қилишга ва эъзозлашга 
ўргатиш. Ошпазнинг турли-туман овқатлар, пишириқлар, ичимликлар тайёрлаши ҳақида 
тушунчалар бериш. Тарбиячи болани ўз оила аъзоларини, тарбиячи, энага ва мусиқа 
раҳбарининг исмини билишларига ва “сизлаб” мурожаат этишларига эришишлари лозим.
Катталар меҳнати натижасида керакли нарсалар, предметлар яратилишини 
тушунтириш. Ошпаз, кир ювувчи, сотувчи, қурувчи, ҳайдовчи меҳнати ва уларнинг асосий 
ишлари ҳақида билим бериш. Иш натижаси ва унинг аҳамиятини ажратиб кўрсатишга 

---

38 
ўргатиш. Катталар меҳнати учун зарур бўладиган материаллар, кишилар меҳнатини 
енгиллаштирадиган, меҳнат жараёни ва натижаларига эришишни тезлаштирадиган 
машиналар билан таништириш.
Турли транспорт воситалари ва касблар ҳақида тушунча бериш. Болаларнинг бу 
борадаги билимларини кенгайтириш ва уларнинг номларини тўғри айтишга одатлантириш. 
Болаларга кўчанинг машина юрадиган қисми билан пиёдалар юрадиган йўлкани 
фарқлаш кўникмасини шакллантириш. Светофорнинг ранглари ва уларнинг вазифаларини 
ўргатиш
. 
Буюмлар. Йил давомида уй-рўзғор буюмлари (палос, гилам, шкаф, хонтахта, курси), 
ошхона идишлари (коса, товоқ-қошиқ, ликопча, лаган, чойнак-пиёла, челак, патнис ва ҳ.к.) 
ни фарқлашга ва номини айтишга ўргатиш. 
Устки кийимлар. Кийимлар (кўйлак, нимча, пальто, тўн ва ҳ.к.), оёқ кийимлар (туфли, 
этик, шиппак ва ҳ.к.), бош кийим (дўппи, телпак, қалпоқ, рўмол)нинг вазифалари ва улардан 
мавсумга қараб фойдаланиш ҳақида тушунча бериш.