Кичик гуруҳ (3-4 ёш)

 
Ухлаш гигиенаси. 
Ухлашга айнан бир вақтда ётиш. Уйқудан олдин ва кейин ювиниш, алоҳида ўринда 
ухлаш. 
Шахсий гигиена: 
- овқатланишдан олдин, ҳожатхонага боргандан сўнг ва қўл ифлосланганда
(далада ишлаш, жониворлар билан ўйнагандан кейин) қўл ювиш; 
- қўл ва оёқ тирноқларини ўз вақтида олиш; 
- ювиниш, кийиниш, чўмилиш жараёнларини тўғри айта олиш ва билиш 
малакаси; 
- ювиниш учун зарур бўладиган нарсалар (совун, сочиқ, мочалка ва 
бошқалар)ни билиш; 
- юз ва қўлни ювиш, ювингандан кейин артиниш, сочиқни мустақил равишда 
олиш ва осиб қўйиш; 
- шахсий буюмлардан (дастўрмол, тароқ ва шу кабилардан) фойдаланиш, 
тартибли сақлаш; 

---

30 
- тиш чўткасидан фойдаланишни ўрганиш, қаттиқ нарсаларни тишламаслик. 
ширин нарсаларни кўп емаслик; 
- иссиқ ва совуқ овқатларни кескин алмаштиришга йўл қўймаслик; 
- шикастланган тишларни ўз вақтида даволатиш; 
- тоза, чиройли либосдан қувониш, сочларни тартибли турмаклаб юриш, ифлос 
кийимбош, қўллардан, таралмаган сочлардан нафратланиш ҳиссини туйиш, 
буларни бартараф этишда катталарга ёрдам сўраб мурожаат қилиш; 
- ана шундай нохушликлар бартараф этилганидан қувониш; 
- янги дастрўмолдан фойдаланиш ва уни чўнтакда олиб юриш. 
Овқатланиш гигиенаси: 
- тўғри овқатланиш тартибига риоя қилиш; 
- мустақил равишда овқат ейишга интилишни намойиш этиш, “қошиқда 
овқатлантириб қўйиш” таклифидан воз кечиш; 
- қошиқни ўнг қўл билан ушлаган ҳолда, овқатни шошмасдан, яхшилаб чайнаб 
ейиш, шўрва, чойни тўкмаслик; 
- мустақил равишда овқатланаётганда, сочиқчадан фойдаланаётганидан 
қувониш. Чиройли қилиб тузалган стол, мазали овқатларни илғай билиш; 
- овқатланиш столи атрофида тўғри ўтириш, гаплашмаслик ва ошхона 
асбобларидан фойдалана билиш; 
- овқатланиб бўлгач, “раҳмат” айтиш; 
- стол устини йиғиштиришда катталарга ёрдамлашиш; 
- ўз идишларини ўзи ювишга уриниш.