Кичик гуруҳ (3-4 ёш)

Ҳаракатли ўйинлар. Боланинг ҳаракатли ўйинлардаги фаоллигини 
ошириш. Тирмашиб чиқиш, эмаклаш кўникмаларини шакллантирувчи; 
ҳаракат эпчиллигини ривожлантирувчи копток, пуфак, аравача, ўйинчоқ 
автомобил билан ўйналадиган ўйинларни ташкил этиш. Ўйинда боланинг 
фаол иштирок этишини таъминлаш. Аста-секинлик билан мураккаброқ ва 
ҳаракат турларини ўзгартирадиган ўйинларни жорий қилиб бориш. Болани 
ўйин қоидаларига риоя қилишга ўргатиш. 
Ҳаракатли ўйинлар: “Поезд”, “Самолёт”, “Пуфак” , “Оппоқ қуёнча 
ўтирибди”, “Трамвай”, “Ким тезроқ”, “Қуёш ва булут”, “Кўз боғлаш”, 
“Чавандозлар”, “Болалар қочинглар, қуш учиб келди”, “Чори-чамбар”, 
“Товуқ ва жўжалар”, “Қалдирғоч”, “Ким биринчи?”. 

---

77 
Саҳналаштирилган ўйинлар. Болада театрлаштирилган ўйинларга 
қизиқиш ҳиссини уйғотишда давом этиш. Катталар ёки катта ёшли болалар
томонидан саҳналаштирилган ўйинлар ва қўғирчоқ спектаклларидаги
воқеалар ривожини кузатиш, тушуниш кўникмасини шакллантириш.
Болани стол театрида ўйналадиган ўйин тартиб-қоидалари билан 
таништириш; ўзига ёққан қаҳрамон ролини танлаш ва ўйинда тенгдошлари 
билан биргаликда ҳаракат қилишига имкон бериш. Болани асар 
қаҳрамонларининг ўзига хос ҳаракатларига (қуш учади, улоқча сакрайди) 
тақлид қилишга; инсоннинг ҳиссий ҳолатини (юз ҳаракатлари, гавда 
ҳолати, имо-ишора ёрдамида) таъсирли кўрсатишга, ҳаракатларини 
қўшиқ, мусиқа садоси остида биргаликда бажаришга ўргатиш. Болада асар 
қаҳрамонига хос ташқи белгиларни (кийимлари – пешбанд, шапка, ёқа 
в.б.) ҳаракатга боғлаб ижро этиш истагини уйғотиш.
Боланинг ижодий қобилиятини ўстириш. Унинг қўшиқ, эртак
тўқишга бўлган интилишини рағбатлантириш. Тенгдошлари олдида рақс 
тушиш, шеърни ифодали ўқиш орқали истеъдодини намоён қилиш 
ҳавасини 
ривожлантириш. 
Театрлаштириладиган 
саҳналарни 
ўз 
имкониятлари асосида безашни ўргатиш. Театр маданияти (театр – 
актёрлар – томошабинлар; одамларнинг томоша залида ўзини 
тутишлари) ҳақида суҳбатлар ўтказиш орқали болада тасаввур уйғотиш.
Саҳналаштириладиган ўйинлар: “Эчки болалари”, “Бўғирсоқ”, 
“Қўлқопча” эртаклари ва “Олхўри ва ўрик” Мирмуҳсин ҳикояси асосида.