Кичик гуруҳ (3-4 ёш)

Таълимий ўйинлар. Болада нарсаларнинг ранги ва ўлчами (2-3 хил 
рангдаги катта ва кичик пуфакчалар)га қараб фарқлаш, рангни 
алмаштирган ҳолда ўлчам жиҳатидан кичрайиб борадиган ҳалқалардан 
пирамида йиғиш кўникмаларини шакллантириш. 4-6 қисмдан иборат 
расмни, мозаика ва бошқа шаклларни йиғишга ўргатиш. Биргаликда 
ўйналадиган таълимий ўйинларда аста-секинлик билан мураккаблашиб 
борадиган қоидаларни бажаришга ўргатиш.
Таълимий ўйинлар: “Минорани йиғ”, “Ўйинчоқларни топ”, “Ким тўғри 
айтади ва кўрсатади?”, “Рангли доиралар”, “Ажойиб қопча”, “Ўз уйчангни 
топ”, “Қайси қўлда кўп?”, “Рангли пуфаклар”, “Катта-кичик идишлар”.
Ўқув йили охирида бола: 
- ўзига ёққан қаҳрамон ролини танлайди ва ўйинда тенгдошлари билан
биргаликда ҳаракат қила олади; 
- мозаика ва бошқа шаклларни осонлик билан йиғади; 
- ўйинчоқларини бошқа болалар билан ўйнайди;
- ўйинда нарсалар билан ҳаракатланади ва одамлар ўртасидаги 
муносабатларни акс эттиради; 
- ўйин қоидаларига риоя қилади; 
- ўйинчоқларини ўйнаб бўлгандан кейин жойига қўяди; 
- театрлаштирилган саҳналарни қизиқиб кузатади; 

---

78 
- таниш 
эртаклардан кичик парчани мустақил ижро этади, 
қаҳрамонлар ҳаракатларига, имо-ишорасига ва оҳангига тақлид 
қилади; 
- театр маданияти, актёрлик касби ҳақида дастлабки тасаввурга эга.