Кичик гуруҳ (3-4 ёш)

(3-4 ёш) 
Она Ватан ва атроф-олам. Болада оила аъзолари (буви, бува, ота-
она, ака-ука, опа-сингил)га нисбатан муҳаббат, ҳурмат ҳиссини тарбиялаш.
Болани ўз исми, ёши, бошқа болалар исмини айтишга ундаш. 
Ҳаётда ҳар бир одамнинг вазифаси борлиги: катталар ишлайди, кичик 
болалар мактабгача таълим муассасаларига борадилар, катта болалар 
мактабда ўқийдилар ва бошқалар тўғрисида тушунча бериш. 
Шунингдек, одамлар ўз уйларида яшайдилар, овқат тайёрлайдилар 
(суюқ ва қуюқ овқат пиширилади, сабзавотлар ювилади, артилади, 

---

67 
тўғралади; сут қайнатилади), маълум вақтда овқатланадилар, ухлайдилар
ва бошқалар ҳақидаги тасаввурларини шакллантириш.
Болага 
атроф-оламдаги 
воқеа-ҳодисаларнинг 
бир-бирига 
боғлиқлигини тушунтириш: ҳаво совуқ бўлса иссиқ кийим кийилади; 
қоронғида чироқ ёқилади; шамол бўлганда деразаларни ёпиш керак. 
Буюк сиймолар. Болани Алишер Навоий расми билан таништириш. 
Тарбиячи Алишер Навоийнинг расмда акс этган сиймоси ҳақида 
тушунарли, содда жумлаларда, меҳр ва ифтихор билан тасвирий ҳикоя 
(нуронийлиги, кўзларининг меҳр билан боқиши, кийимлари) айтиб бериш 
орқали бола қалбида улуғ шоирга нисбатан муҳаббат, ҳурмат ҳиссини 
уйғотади. Китоб бурчагига Алишер Навоийнинг расми, китобларидан 
намуналар қўйиш мумкин. 
Байрамлар. 
Болада 
“Мустақиллик”, 
“Меҳржон”, 
“Наврўз” 
байрамлари ҳақида илк тасаввур ҳосил қилиш. Байрам кунлари кичиклар 
катталар (ота-оналари, буви, боболари)ни ҳурматлаб, эъзозлаб кўргани 
боришлари, ҳар хил совғалар бериб ҳурсанд қилишлари; ўз навбатида 
катталар уларни дуо қилишлари ҳақида тушунча бериш. Болада 
катталардан дуо олишга, “баракалла”, “раҳмат”, “кўп яша” каби олқиш 
сўзларини эшитишга нисбатан ҳавас уйғотиш.