Кичик гуруҳ (3-4 ёш)

Катталар меҳнати. Боланинг мактабгача таълим муассасаси 
ходимлари (тарбиячи ёрдамчиси, ошпаз, қоровул, ҳамшира, фаррош)нинг 
меҳнати ҳақидаги тасаввурларини бойитиш. Уларнинг меҳнат жараёнлари 
(тарбиячи ёрдамчиси хонани тозалайди, идишларни, деразаларни ювади, 
сочиқларни алмаштиради, овқат келтиради; ошпаз овқатлар, 
пишириқлар, ичимликлар тайёрлайди) билан таништириш. Болага 
катталарнинг меҳнатини ҳурмат қилиш кераклигини сингдириб бориш.
Бола ўз оила аъзоларини, тарбиячини, тарбиячи ёрдамчиси ва мусиқа 
раҳбарининг исмини билиши ва катталарга “сизлаб” мурожаат этишига 
эришиш лозим.
Болани тарбиячига енгил ишларда ёрдамлашиш (стол тузатиш, 
қошиқлар, кичик сочиқларни, нон идишларни қўйишга; машғулотлар учун 
керакли материалларни тарқатиш ва уларни йиғиштириш; ўйинчоқларни 
ўйнаб бўлгандан сўнг йиғиштириш)га ўргатиб бориш. 
Транспорт воситалари. Болага турли транспорт воситалари (енгил 
машина, автобус, самолёт, поезд) ҳақида тушунча бериш, бу борадаги 
билимларини кенгайтириш ва уларнинг номларини тўғри айтишга 
ўргатиш. 
Болага йўл қоидаларига риоя этишни ўргатиш. Кўчанинг машина 
юрадиган қисми билан пиёдалар юрадиган йўлкани фарқлаш кўникмасини 
шакллантириш. Светофорнинг ранглари ва уларнинг вазифаларини 
тушунтириш. 
Буюмлар. Болага уй-рўзғор буюмлари (гилам, жавон, хонтахта, 
стол, стул) ва ошхона идишлари (коса, ликопча, лаган, чойнак-пиёла, 
челак)ни фарқлашни, номларини тўғри айтишни ўргатиш.
Электр жиҳозлардан телевизор ҳақида тасаввурни шакллантириш. 

---

68 
Кийимлар. Болага кийимларнинг турлари ҳақида тушунча бериш, 
уларни гуруҳларга ажратишга ўргатиш. Устки кийимлар (кўйлак, нимча, 
пальто, тўн), бош кийимлар (дўппи, телпак, қалпоқ, рўмол), оёқ кийимлар 
(туфли, этик, шиппак)нинг вазифалари ва улардан мавсумга қараб 
фойдаланиш, кийимларни эҳтиётлаш, тоза ва озода кийиш малакасини 
тарбиялаш.