Кичик бизнес ва тадбиркорлик фаолиятида маркетинг ва товарларни сотиш

Стратегик назорат хўжалик юритувчи маркетинг субъектлари фаолиятини бозорда ҳақиқий жараёнлар оқимига тўғри келишини текшириб туришдир. Даромад олиниши бўйича назорат қилиш тадбиркорлик таркиби фаолиятидан олинган даромадни ва кўрган зарарларни, ҳаражат ва натижаларни солиштириш асосида таҳлил қилиш. Йиллик режа назорати — бу амалдаги назорат бўлиб, қўийилган масалалар ечими ва кўизланган мақсадга эришишдир.


3. Кичик бизнес ва ҳусусий тадбиркорлик фаолиятида товарларни сотишни ташкил қилиш усуллари
Кичик бизнес билан шуғулланувчи тадбиркор товарлар сотишни ташкил қилишда қачон, қаерда ва қандай ҳолатларда каби турли муаммолар билан тўқнаш келмасин, уларни ечиш йўлларини қидириб топиши ғоят муҳимдир. Ишлаб чиқарилган товарларни истеъмолчига етказиб бериш, сотишни ташкил қилишнинг турли шакллари билан боғлиқ. Товарларни улгуржи ёки чакана майда партияларда сотган маъқулми, ўзининг махсус сотиш тизимини шакллантириш керакми ёки савдогар тадбиркорлар хизматидан фойдаланган маъқулми? Бу масалаларнинг самарали ечимини топиш тадбиркорлик фаолиятидаги пировард натижаларга турли таъсир этади.
Товарларни сотишни ташкил қилишнинг икки усули буюртма асосида ва эркин фаолият, яъни номаълум бозор учун ишлашдан иборат.
Буюртма асосида сотишни ташкил қилишда махсулотлар ишлаб чиқариш ва хизматлар кўрсатиш олдиндан берилган буюртмалар, келишув ва шартномалар негазида ташкил қилинади. Бунда аввалдан товарнинг техник тавсифи, етказиб бериладиган товар ҳажми ва муддатлари, нархи ўзаро келишиб олинади. Буюртма асосида товарларни реализация қилишдаги асосий муаммо, бир томондан, товарларни ўзаро келишилган муддатда шартнома тамойилларига амал қилган ҳолда етказиб бериш бўлса, иккинчи томондан, буюртмачи келишилган муддатда маблағни тўлашидир.
Буюртма асосида ишлашда товарларнинг ҳаракати жуда оддий усулларда ифодаланади.
Номаълум бозор учун эркин фаолият кўрсатувчи фирма ёки корхона ўз махсулотини қатъий чегараланмаган миқдор ва сифат кўрсаткичидан тавсифсиз «номаълум» бозор ёки истеъмолчи учун ишлаб чиқаради. Бундай ҳолдаги товарларни реализация қилиш ва хизматлар кўрсатишда товарларни сотиш бозорларни танлаш, олдиндан аниқлаш, реализация қилишнинг аниқ шаклларини танлаш, нархларнинг маъқул даражасини белгалашдан иборат.