Кичик бизнес ва тадбиркорлик фаолиятида маркетинг ва товарларни сотиш

Маркетинг тадқиқотларининг асосий йўналишлари -бозорни ўрганиш ва маркетинг мажмуасининг асосий элементларини, товарни, товар нархини, товар ҳаражатини ва сотишни рағбатлантириш натижаларини таҳлил қилиш.
Маркетингни режалаштириш — бу бир неча вариантдаги муқобил режалар ичидаги энг яхшисини танлаб олиш жараёнидеб ҳисоблаш мумкин. Кичик шаклдаги хўжаликларни маркетинг режалаштирилишига қуйидагилар киради:

• 
  фирма хўжалиги ичидаги бўлинмаларининг фаолият ҳаракатларини мувофиқлаштириш;
  
• 
  ташқи муҳитнинг кутиладиган тараққиёти омилларини ва уни ўзгарувчилик даражасини аниқлаш;
  
• 
  фирма ходимларини кутилмаган ҳолда пайдо бўлганда бефойда ҳаракатларини камайтириш;
  
• 
  бажарувчилар оралиғидаги самарали муносабатларни таъминлаш.
  

Маркетингнинг етратегик режаси корхонанинг хом-ашё, меҳнат, молия ва бошқа ресурсларни самарали ишлатилишига мўлжал қилиб йўналтирилган. Фирманинг мақсадларини ва имкониятларини навбатдаги 3-5 йил ичида ўзаро боғланиши учун маркетинг соҳасида стратегик маркетинг дастури келажаги ишлаб чиқилади. Ушбу дастур бозор коньюнктурасининг ўзгаришлари асосида тартибга солиб турилади.
Маркетингни амалдаги режаси яқин мақсадларининг ҳозирги ҳолати маркетинг вазиятини тавсифлаш, имкониятлар таҳлилини, рақобатчиларни кучли ва заиф томонларини, молиялар ҳаракатини режалаштирилган даромадлар ва ҳаражатлар мувозанатини, ташкилий-бошқарув ҳаракатларини назорат қилишни йўлга солинишини ва уларни амалга оширилишини ўз ичига олади.
Маркетинг бошқарилиши — бу маркетинг мажмуасининг элементларига таъсир кўрсатиш жараёни бўлиб ҳаридорлар билан белгиланган мақсадли алмашувини шахсий ёки икки томонлама фойда олиш учун қўлланади.
Маркетинг фаолиятида самарали натижаларга эришиш (товар)ни маҳсулот ўзининг нархи, бозорда жойлаштириш ва ҳаракатлантириш чоралари билан боғлиқ.
Маркетинг бошқарувининг ташкилий таркиби идораларнинг яхлит тизими бўлиб, ишчи-хизматчиларни самарали ишлашини хўжалик юритувчи субъектни олдига қўйган мақсадга эришишини таъминлайди. У қуйидаги турлардан ташкил топган бўлиши мумкин: функционал, товар функционал ва бозор-функционал.