Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

1)
 
Face-to-face сўровлар
– тадқиқотчининг респондент билан 
шахсан ўтказадиган сўров тури. Уларга қуйидагилар киради:
Турар жой сўрови

Қўлланилиши
Тадқиқот мақсади кўпроқ аҳолининг ижтимоий-иқтисодий 
муаммолари бўйича ўтказилганда, турли ижтимоий-демографик 
таркибга эга бўлган респондентларнинг иштирок этиши талаб 
этилганда ҳамда объектив фикрни респондентнинг бевосита турар 
жойида олиш мумкинлиги тўғрисида қарор қабул қилинганда ўтка-
зилади. Масалан, аҳолининг ичимлик суви билан таъминланганлик 
ҳолатига муносабати; бандлик ва ишсизлик муаммоси ва ҳ.к. 

Ўтказиш услубиёти 
Сўров ўтказиладиган аҳоли яшаш пункти ҳудуди тахминан бир 
хил участкаларга, яъни сўров нуқталарига тақсимланади. Ҳар бир 
участкада бошланғич нуқта танланади. Интервью олувчи олдиндан 
белгиланган маршрут бўйича ҳаракатланади.

Турар жой сўрови афзалликлари 
– давомли интервью олиш имконияти;
– респондентга стимул материалларни (карточкалар, ОАВ 
материаллари, расмлар, аудио-видео файллар ва ҳ.к.) намойиш этиш 
имконияти;
– респондент хулқини кузатишнинг қулайлиги.

Турар жой сўровининг камчиликлари
– интервью олувчи малакасига қўйиладиган юқори талаблар;
– респондентларнинг ишончсизлиги/шубҳаланиши билан боғлиқ 
муаммолар.
Холл-тест

Қўлланилиши 
Сўровнинг ушбу тури сиёсий, маданий ва бирламчи эҳтиёж 
билан боғлиқ бўлмаган бошқа тематика бўйича ўтказилаётган 
ҳамда муайян типдаги ижтимоий-демографик тавсифга эга бўлган 
респондентларнинг иштирок этиши талаб этилганда (масалан, фақат 

---

26
ёшлар, ёки фақат олий маълумотлилар, ёки фақат кредит олган 
фуқаролар ва б.) қўлланилади.

Ўтказиш услубиёти
Сўров бирор ташкилот ёки корхонанинг алоҳида хонасида ёки 
эркин кириладиган ижарага олинган жойда (кутубхона, кинотеатр, 
ресторан ва ҳ.к.) ўтказилади. Респондентларни олдиндан таклифнома 
асосида жалб қилиш мумкин.

Холл-тест афзалликлари 
– давомли интервью олиш имконияти;
– респондентга стимул материалларни намойиш этиш имко-
ниятининг мавжудлиги (ахборот-коммуникация технологиялари, 
проектор);
– интервью олувчи ишини кузатиш қулайлиги;
– ёруғ, қулай ва шинам вазият.

Холл-тест камчиликлари 
– респондентларнинг «сифати» сўров ўтказиладиган жойга 
ниҳоятда боғлиқ бўлади;
– саралашнинг тасодифий эмаслиги (саралашда одатда битта ёки 
ўхшаш тоифадаги шахслар тўпланиб қолади);
– респондентларнинг айрим гуруҳларини (ҳайдовчилар, иш билан 
банд бўлганлар ва б.) жалб қилишнинг қийинлиги.