Касбий қайта тайёрлаш йўналиши

2.Таълим -тарбия жараёнини режалаштириш 
Режалаштириш – бу зарур шарт-шароит, фойдаланилаётган восита, 
шакл ва услубларни кўрсатган ҳолда, таълим-тарбия ишини амалга 
оширишнинг тартиби ва кетма-кетлигини олдиндан белгилаш жараёни. 
Умуман, таълим-тарбия ишининг самарадорлиги режалаштириш қай даражада 
пишиқ-пухта ўйлангани ва амалга оширилгани билан белгиланади. 
Режалаштириш педагогик вазият ривожида ноаниқ ҳолатларнинг 
камайиши билан бир қаторда, педагогнинг бугунги ва эртанги фаолиятида 
узвийликни таъминлайди. 
Таълим-тарбия ишини режалаштириш педагогнинг болалар жаоаси ва 
ота-оналар ҳамкорлигига, улар томонидан биргаликдаги фаолият доирасидаги 
мақсад ва вазифаларни англаш, мактабгача таълим муассасасида ҳаётни 
қизиқарли, фойдали ва бўлишини таъминлаш истагига асосланган. 
Режалаштириш моделини ташлашда ҳар бир педагогнинг касбий тайёргарлиги, 
тажрибаси, ўз фаолияти натижаларини кўриб, таҳлил эта олиши ҳамда 
МТМдаги шарт-шароит эътиборга олишини зарур. 
Истиқбол режа болалар билан ишлашда асосий ҳужжат ҳисобланиб, у 
болалар фаолиятининг барча турларини ва уларга хос кундалик иш шаклларини 
режалаштиришни талаб этади. Мазкур ҳужжатсиз тарбиячининг иш бошлаши 
тавсия этилмайди. 
Ўзини тутиш маданияти ва маънавий фазилатлар болалар билан олиб 
бориладиган тарбиявий жараён мобайнида (маиший ҳаётда, ўйин, меҳнат, 
машғулот жараёнида) шакллантирилиши сабабли, у алоҳида бўлим тарзида 
режалаштирилмайди. Шунинг учун талабнинг мураккаблашиб боришини кўзда 
тутган ҳолда, педагогик услуб ва воситаларга таяниб, истиқболли 
режалаштиришни жорий этиш мақсадга мувофиқдир.

---

77 
Истиқбол режаси бир ойга тузилиб, қуйидаги бўлимларни ўз ичига 
олади:
 
1. 
Машғулот пайтида таълим бериш. 
2. 
Болалар билан индивидуал иш (машғулотлардан кейин). 
3. 
Ота-оналар билан ишлаш. 
Режада гуруҳ болаларининг рўйхати; адабиётлар рўйхати, иш куни 
давомида болалар фаолиятини ташкил этиш бўйича машғулотлар жадвали.