Касбий қайта тайёрлаш йўналиши

2. Кундалик фаолият баёнининг ёритилиши 
Эрталабки соатда қилинадиган педагогик ишнинг асосий вазифаси 
болаларда тетик, қувноқ кайфият уйғотишдир. Бунда бола фаолияти эркин 
бўлади, боланинг истаги ва қизиқишига таянилади, фаолиятларнинг шакли ва 
мазмуни қизиқарли бўлиши таъминланади.
Тарбиячи ҳар куни эрталабки соатда болаларнинг бирламчи тиббий 
кўрик асосидақабул қилади, ота-оналар билан суҳбат олиб боради, бадантарбия 
машқларини ўтказади. Лекин бу вазифалар кундалик фаолиятда акс 
эттирилмайди. 
Кундалик фаолият баёнида эрталабки соатда тарбиячи болалар билан 
белгиланган мавзу юзасидан қисқа суҳбат уюштириши кўрсатилади, асосий 
ўринни болаларнинг ўйин фаолияти учун ажратилади. Ижодий ўйинларни, 
тинч ўйинларни (қуриш-ясаш, расмли китобларни томоша қилиш) ташкил этиш 
режалаштирилади. 
Режада болаларнинг меҳнат фаолияти кенг ёритилади. Меҳнат 
тарбиясининг тўртта вазифалари беш кунга бўлиниб ёзилади. Навбатчилик ҳар 
бир кун учун алоҳида режалаштирилмайди. Режада навбатчиликка янгилик 
киритилса, навбатчилик вазифаси мураккаблаштирилса ёки шароитлар ўзгарса 
янги мазмуни алоҳида ёритилади.
Болаларнинг мустақил фаолияти режалаштирилмайди, у боланинг
қизиқишига ва кайфиятига боғлиқ бўлади. Ҳар бир бола эркин ҳолда ўзи 

---

70 
истаган фаоллик марказини танлаши ва у ерда ишлаши мумкин. Тарбиячи 
болаларни кузатиши ва зарур ҳолда унга ёрдам кўрсатиши лозим. 
Тарбиячилар фаоллик марказларида болаларни мажбурламаслиги, 
боланинг эркин фаолият юритиши учун имконият яратиб бериши мақсадга 
мувофиқдир. Энг асосийси фаоллик марказларида ҳамма нарса бола учун 
қизиқарли бўлиши лозим. 
Машғулотнинг мақсадида тарбиячи болаларга бериладиган таълим ва 
тарбия вазифаларни кўрсатади, болалар эгаллаши лозим бўлган билим, 
кўникма ва малакаларини ҳажмини аниқ белгилайди. Сўнгра зарурий жиҳоз ва 
кўргазмаларни кўрсатади. Машғулот ишланмаси баёни келтирилади.