Касбий қайта тайёрлаш йўналиши

Сайрни режалаштириш.Тарбиячининг сайрдаги асосий вазифаси 
болалар учун фаол, мазмунли, хилма-хил ва қизиқарли фаолиятни ташкил 
этишдир.Сайрда кузатиш, ҳаракатли ўйин, ихтиёрий ўйинлар, меҳнат, тинч 
ўйинлар режалаштирилади ва ташкил этилди (сайр қисмларининг кетма-
кетлиги олинган мавзуга қараб ўзгариши мумкин). 
Куннинг иккинчи ярмини режалаштириш. 
Куннинг иккинчи ярмида болалар билан якка тартибда ишлаш, хилма-
хил ўйин фаолияти (таълимий, стол устида, воқеабанд, ихтиёрий, 
саҳналаштирилган), кўнгилочар соатлар (ҳар ойда 1-2 марта) режалаштирилади. 
Тарбиячи кечки соатда ихтиёрий ўйин, ихтиёрий сайр ва ота-оналар 
билан ишлашни режалаштиради. 
Тарбиячи ҳар ойнинг охирида назорат машғулотини тайёрлаб ўтказади. 
Назорат машғулотининг таҳлили жорий ойнинг охирги кунларида ўтказилади. 
Машғулот таҳлили бўйича баённома ёзилиб, машғулот натижасига кўра ҳар бир 
тарбиячига вазифалар берилади. 
Ўқув йили давомида икки марта (1ярим йиллик, 2ярим йиллик) Давлат 
талабларининг ўзлаштирилиши бўйича диагностик таҳлил ўтказилади. 
Тарбиячининг таълим-тарбия ишини тўғри режалаштириши аввало 
фаолият 
турлари 
бўйича 
педагогик 
жараённи 
ташкил 
этиш 
ва 
такомиллаштиришга йўналтирилган бўлиши зарур. 

---

71 
Табель, фильтр дафтарига ҳар куни қуйидагилар белгилаб борилади: 
 
болалар қатнови соат 9.00 дан кечиктирмасдан белгилаб борилади;
 
ҳар кунги келган болаларнинг умумий сони чиқариб қўйилади. 
Ой якунида: 
 ҳар бир боланинг келган кунларинингумумий сони чиқарилади. 
Барча болаларнинг келган кунлари умумлаштирилиб, болалар кунининг 
бажарилиши аниқланади.
 бунда бажарилмаган кунлар ва бажарилмаслик сабаблари таҳлил 
этилади.
Болалар қатнови умумий таҳлил этилади, рўйхат бўйича болалар сони, 
ушбу ой давомида келган ва умуман келмаган болаларнинг аниқ сони ёзилади. 
Болалар куни неча кунни ташкил этади ва бажарилмаган кунлардан 
нечта сабабли ва нечта сабабсиз кунлар мавжудлиги таҳлили ёзилади. 
Фильтр назорати қуйидагича амалга оширилади: 
 тана ҳарорати 
 тери тозалиги 
 бош тозалиги (педикулёзга текширув) 
 ота-онадан олинган сўровнома натижалари. 
Ота-оналар йиғилиши баённомаларининг юритилишида қуйидагиларга 
аҳамият бериш керак: 
• баённома рақами 
• ўтказилган сана: кун, ой, йил 
• йиғилиш раиси ва котиби 
• йиғилишда иштирок этган ота-оналар сони 
• йиғилишга таклиф этилганлар исми, шарифи 
• кун тартиби 
• кун тартибидаги масалаларга тайёргарлик кўриш бўйича масъулнинг 
белгиланганлиги 

---

72 
• кун тартибидаги масалаларни ўрганишда сўзга чиқувчилар, 
муҳокамаларнинг мавжудлиги 
• ҳар бир масала сўнгида қарорларнинг қабул қилинганлиги 
• қарорлар ижроси бўйича масъул ва муддатларнинг белгиланганлиги 
• йиғилиш сўнгида раис ва котибанинг имзоси қўйилганлиги 
• йиғилиш материалларининг тўпланганлиги.