Касбий қайта тайёрлаш йўналиши

Кундалик режа 1-2 ҳафтага мўлжаллаб тузилади. У режа-конспект 
шаклида ёзилиб, унда бутун иш куни давомидаги фаолият батафсил ёритилади: 
эрталаб (болалар билан индивидуал ишлаш, маданий-гигиеник ва ўз-ўзига 
хизмат кўникмаларини шакллантириш бўйича иш, дидактик ўйинлар ўтказиш 
ва бошқ.), машғулотлар давомида (унинг тури, мавзуси, мақсади, керакли 
жиҳози, машғулотнинг бориши), сайр пайтида (кузатиш, меҳнат, ҳаракатли 
ўйинлар, ўйин фаолияти, якка ишлаш, болаларнинг уйга кетиши). 
Педагог режа шаклини мустақил танлаши мумкин. Шунга қарамасдан, 
МТМ педагогик кенгаш томонидан тасдиқланган режа ёзишнинг ягона 
шаклидан фойдаланиш тавсия этилади. 
Истиқболга мўлжалланган мавзулар режаси қуйидагиларни назарда 
тутади: 
 болалар асосий фаолият турларининг ўзаро боғлиқлигини (ўйин, 
меҳнат, таълим ва ҳоказо); 
 бир ойга мўлжалланган вазифаларнинг кетма-кетлик ва 
мунтазамлилик тамойилининг амалга оширилишини; 
 муайян ёш гуруҳига доир дастурнинг барча бўлимларидаги 
вазифаларнинг ўзаро боғлиқлигини; 
 бевосита машғулот, ўйин, меҳнат фаолиятидан кейин айрим 
болалар билан индивидуал ишлашнинг тизимийлик асосида олиб борилишини; 
 кузатувларни бир кун олдин ёки шу куни режада қайд этилишини. 
Режани бундай тарзда ёзиш турини қўллаганда якуний машғулот, 
суҳбат, экскурсиялар, комплекс машғулотларнинг куни белигилаб олиниши 

---

78 
зарур. Бундай режалаштириш педагогнинг кучи ва вақтини тежаш билан бирга, 
болалар билан таълим-тарбия ишларининг яхлит манзарасини кўриш 
имкониятини яратади. Бу ўз навбатида бир йилга мавзулар бўйича 
режалаштириш, таълим соҳаларини ўзаро уйғунлаштириш, лойиҳаларни ва 
болаларнинг 
синов-тадқиқод 
фаолиятини 
амалга 
ошириш 
ҳамда 
интеграллашган ишлаш тамойилини жорий этишда катта аҳамият касб этади.