Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Конус қуйруқли яхлит зенкерларнинг 10-40 мм, ишчи қисмнинг узунлиги 80-200 мм, тишлар сони 3 та.
Алмаштириладиган зенкерларнинг 32-80 мм, ишчи 10-18 мм, тишлар сони 4 та.
Чўян ва пўлатдан ясалган деталлардаги тешикларга узил-кесил ишлов беришда конус қуйруқли яхлит ва қаттиқ котишмалардан тайёрланган алмаштириладиган зенкерлардан фойдаланилади. Бундан ташқари, кескичлари алмаштириладиган зенкерлар мавжуд бўлиб, улар қаттиқ пўлатдан (ВК6, ВК8, ВК6М, ВК8В, Т14К8, Т15К6) ясалади.
Зенкерлаш пармалаш дастгоҳида амалга оширилади. Зенкер диаметрининг ўлчамига кўра суриш катталиги чўян учун 0,2-0,35 мм гача, пўлат учун 0,15-0,3 мм гача. Бу ҳолда кесиш тезлиги 80 м/мин. Зенкер қизиб ўтмаслашиб қолмаслиги учун уни эмулсия билан совутиб турилади. Тезкесар пўлатдан тайёрланган кескичлари алмаштириладиган зенкерлар учун суриш 0,2-0,26 мм, кесиш тезлиги эса 11,6-22,5 м/мин. Бу хилдаги зенкерларни иш жараёнида совитиб туришда 5% ли совун эмулсияси ишлатилади.
Меҳнат хавфсизлиги
Зенкерлашда ҳам пармалашдаги каби хавфсизлик қоидаларига риоя қилиш керак.
Зенковкалаш - болт, винт ва парчин михлар учун махсус асбоблар ёрдамида цилиндрсимон, конуссимон ўйиқлар ёки рахлар йўниш жараёнидир.
Кесувчи қисмининг шаклига кўра зенковканинг цилиндрсимон, конуссимон ва торецли хиллари мавжуд.
Цилиндрсимон зенковканинг ишчи қисми 4 тадан 8 тагача торец тишлар ва қуйруқдан тузилган. Унинг йўналтирувчи цапфаси пармаланган тешикка киради. Зенковканинг ўзгармас йўналтиргичи ва цилиндрсимон қуйруғи Р6М5 пўлатдан ясалади.
Конуссимон зенковка ҳам ишчи ва қуйруқ қисмлардан иборат, конус шаклидаги ишчи қисмининг бурчаги 2 га тенг. Учлари 30, 60, 90 ва 120⁰ бўлган конуссимон зенковкалар кўпроқ қўлланилади.
Чегараланган зенковкалаш дастасига қуйруқ унинг иккинчи учига резба бўйича йўналтирувчи шпилкали зенковка маҳкамланади.
Меҳнат хавфсизлиги. Зенковкалашда ҳам пармалашдаги каби хавфсизлик қоидаларига қатъий риоя қилиш керак.