Каримов А. А., Исломов Ф. Р., Авлоқулов А. З. Бухгалтерия ҳисоби

Демак, таътил ҳақи 45348 сўм (1889,5*24).
Меҳнат таътилига ҳақ ҳисобланганида ҳисобда қуйидагича проводка берилади:
Д-т 8910-«Келгуси давр харажатлари ва тўловлари резерви»- 45348 сўм
К-т 6710-«Ходимлар билан иш ҳақи бўйича ҳисоблашишлар»- 45348 сўм.
Корхона ишчи ва бошқа ходимлари касал бўлиб қолганида уларга касаллик варақаси бўйича ҳақ тўланиши лозим. Даволаш (тиббий) муассаса томонидан берилган меҳнат қобилиятини йўқотиш тўЃрисида варақа-бюллетень нафақа ҳисоблаш учун асос бўлади. Нафақа миқдори касал бўлишидан илгари ишлаган ойнинг ўртача иш ҳақи, касаллик давом этиши ва меҳнат стажига боЃлиқ. Иш стажи 5 йилгача бўлганда иш ҳақининг - 60 фоизи, 5 йилдан 8 йилгача - 80 фоизи, 8 йилдан ортиқ бўлса - 100 фоизи ҳисобланади.
Иш стажидан қатъий назар, иш ҳақининг 100 фоизи ҳажмида нафақалар ҳомиладорлик ва туЃиш бўйича, ишлаб чиқариш жароҳати ва касб касаллиги бўйича, 18 ѓшгача 3 боласи бор бўлган ишчиларга ва уруш ногиронларига тўланади.
Иш ҳақи суммасига ижтимоий суЃурта ажратмалари ҳисобланадиган барча иш ҳақи, қўшимча ҳақ ва тўловлар (бир марталик бериладиган мукофотлардан ташқари) киритилади.
Мисол. Ишчи 2001 йил октябрь ойида 5 кун касал бўлган. Бу тўЃрида тиббиѓт муассасидан берилган меҳнат қобилиятини йўқотиш тўЃрисидаги варақа ва табелда ѓзувлар бор. Узлуксиз иш стажи-7 йил.
Унинг аввалги ойдаги иш ҳақиси қуйидагича бўлган:

186. 
     Ишбай -15000 сўм;
     
187. 
     Вақтбай - 2000 сўм;
     
188. 
     Олдинги йилнинг ўртача ойлик мукофот суммаси - 1300 сўм.
     

Меҳнат қобилиятини йўқотганлик нафақасини ҳисоблаш учун ўртача ойлик ҳақ 18300 сўм (15000+2000+1300). Октябрь ойида 22 иш куни мавжуд. Ўртача кунлик иш ҳақи 831,8 сўм (18300/22)ни ташкил қилади. Иш стажи ва касал бўлган кунларни ҳисобга олган ҳолда нафақа 3327,2 сўм (831,8*5*0,8)ни ташкил этади.
Ушбу муомалага ҳисобда қуйидагича проводка берилади:
Д-т 6520-«Давлат мақсадли фондларига тўловлар»-3327,2 сўм
К-т 6710-«Ходимлар билан иш ҳақи бўйича ҳисоблашишлар»- 3327,2 сўм.