Карданли узатмалар. Бош узатма, дифференциал. Автоматик трансмиссиялар. Автоматик бошқарувнинг тизим ости элементлари. Режа

4.3-расм. Диоганал (а) ва радиал (б) шина конструкциялари:
1-бортлар; 2-борт симлари; 3-каркас; 4-брекер; 5-ёнлар; 6-протектор
Ҳозирда шиналар баландлигининг кенглигига нисбати пасайиб бориши тенденцияси кузатилмоқда (4.4-расм). Агар биринчи автомобиллар шиналари оддий профилга эга бўлган бўлсалар, замонавий автомобилларда, хусусан енгил автолмо-билларнинг паст профилли, ўта паст профилли шиналарида бу кўрсаткич 70% дан 60% гача ва унданда паст қийматга эга.

4.4-расм. Автошиналари профилларининг ўзгариш тенденцияси (йиллар кесимида)
Шиналар кенглиги ўзгармагани ҳолда ён деворлари баландлигинининг паст бўлиши шина умумий диаметрини ўзгартирмаган ҳолда ғилдирак диаметрини оширишга имкон беради. Бу эса ўз навбатида катта диаметрга эга самараси юқори дискли тормоз учун жой кенгайишини таъминлайди.
Замонавий автопоезларнинг прицеп ва яримприцеплари поллари баландлигини пасайтириш ва юк сиғувчанлиги ошириш учун бу транспорт воситалари ўта паст профилли шиналар билан жиҳозланадилар. Ён профиллар баландлигининг паст бўлиши улар қаттиқлигини оширади. Бу эса ўз навбатида ғилдиракларнинг рул бошқаруви сигналларига тез реацияланиш қобилиятини яхшилайди. Ён деворларнинг деформацияланиши камайганда уларда қизиш ҳам камаяди ва катта тезликларда хавфсиз ҳаракатланиш мумкин бўлади. Аммо ён деворлврнинг қаттиқлиги шинанинг зарбаларни ютиш қоибилятини пасайтиради. Шинанинг йўл билан контактлашишдаги изи қисқа ва кенг бўлади. Бу шиналар автомобилнинг бошқарувчанлигига салбий таъсир қилиши мумкин.
Кенг профилли ва аркали шиналар юк автомобилларга уларнинг ўтувчанлигини яхшилаш учун ўрнатилади. Битта шундай шина иккиланган шинани алмаштириши мумкин.
Юмшоқ таянч юзага эга йўллар (қор, қум, лойгарчилик)да ҳаракатланишда энг самарали шиналар юқори эластикликка эга бочаксимон профилли пнемокатоклар ҳисобланади.
Шиналарнинг маркаланиши. Замонавий шиналарнинг ён томонида ҳар хил керакли маълумотларни ўзида мужассамлаширган ёзувлар туширилган бўлади. Бу ёзувлардан энг муҳими шина ўлчаларига таалуқли бўлган,йирик ҳарфлар билан ёзилган ёзув ҳисобланади. Масалан: 185/70 R14 83 S.
Биринчи рақам шина профили кенглигини билдиради (аммо кенг профилли шиналарда бу рақам шина диаметрини билдиради). Келтирилган мисолда 185-шинанинг миллиметрда ўлчанган кенглиги.
Агар шина пастпрофоилли ёки ўта пастпрофилли бўлса, дропдан кейин профил баландлигининг кенгликка нисбатини билдирувчи рақам ёзилади (бизнинг мисолимизда 70). Бу рақам шинанинг сериясини билдиради. Агар белгида серия кўрсатилмаган бўлса, шина оддий профилли ҳисобланади (80–82%). R ҳарфи шинанинг радиал конструкцияли эканлигини билдиради. R ҳарфи бўлмаса шина диагонал конструкцияли ҳисобланади. Кейинги рақам (бизнинг мисолимизда 14) шина ўрнатилиши мумкин бўлган ғилриак ободи дюймдаги (1 дюйм=25,4 мм) ўлчамини билдиради.
Кейин келадиган рақам ва латин алфавитидаги ҳарф мос равишда юклама ва тезлик индексларидир. Юклама индекси шартли ҳисобланади. Ҳар бир шина юклама индексини аниқлаш учун махсус справочник жадвалдан юкламанинг оғирлик эквиваленти аниқланади. Масалан 83 индексли шина учун максимал юклама 483 кг ни ташкил этади.